इमर्जिङ टिम्स कप खेल्ने नेपाली टिममा पारस खड्का र सन्दिप लामिछाने नपर्नुको कारण यस्तो …




काठमाडौं । बंगलादेशमा आयोजना हुने एसीसी इमिर्जिङ एसिया कपका लागि नेपाली टिमको घोषणा भएको छ । जसमा कुशल भुर्तेल पहिलो पटक सिनियर टिममा परेका छन् भने इशान पाण्डे र अभिनाश बोहोरा ५० ओभरको खेलमा डेब्यू गर्ने भएका छन् ।

नेपाल क्रिकेट संघ क्यानले सार्वजनिक गरेको सूचीमा कप्तानमा ज्ञानेन्द्र मल्ल र उपकप्तानमा दिपेन्द्रसिंह ऐरी छन् भने बाँकी खेलाडीमा शरद भेषवाकर, सोमपाल कामी, करण केसी, विनोद भण्डारी, रोहितकुमा पौडेल, ललित राजवंशी, पवन सराफ, सन्दिप जोरा, सुसान भारी, इशान पाण्डे, आरिफ शेख, अभिनाश बोहोरा, कुशल भुर्तेल छन् ।

कुशल यू १९ टिमबाट सिनियरमा पुगेका खेलाडी हुन् । उनले पहिलो पटक राष्ट्रिय टिममा स्थान बनाएका हुन । अभिनाश बोहोरा यसअघि राष्ट्रिय टिममा परे पनि ५० ओभरको खेलमा भने टिममा पर्न सकेका छैनन् । उनी यूएई विरुद्धको सिरीजका लागि सिनियर टिममा भए पनि एकदिवसीय खेल भने खेलको थिएनन् ।

यस्तै इशान पाण्डेले यसअघि टी २० मा खेलेपछि ५० ओभरका लागि भने पहिलो पटक टिममा परेका हुन् । यसपटक टिमको म्यानेजरमा क्यानका सदस्य प्रशान्त विक्रम मल्ल जाने भएका छन् । यस्तै प्रशिक्षक उमेश पटवाल, एसिसेन्ट प्रशिक्षक दिपेन्द्रप्रताप सिंह, भिडियो एनालिष्ट रमन सिवाकोटी, फिजियोमा विक्रम न्योपाने छन् ।

ज्ञानेन्द्र मल्लले कप्तानी गर्ने उक्त प्रतियोगितामा फेरि पनि पूर्व कप्तान पारस खड्का समावेश हुन सकेनन् । काठमाडौंमा बेलायती मेरिलेबन क्रिकेट क्लब एमसीसीसंग खेल्नका लागि टिममा नअटाएका खड्काले यो इमर्जिङ कपमा भने युएईमा आयोजना हुने टी–१० क्रिकेटका कारण खेल्न नपाउने भएका हुन् ।

पारसले पहिलो पटक यो प्रतियोगिता खेल्न पाएका हुन् । पारससंगै अर्का क्रिकेटर सन्दीप लामिछाने पनि खेल्न पाउने छैनन् । सन्दीप पनि टी–१० खेल्न युएई जाँदैछन् । क्यानले दुवै खेलाडीलाई बिदेशी लिग खेल्नको लागि नो अब्जेक्सन सर्टिफिकेट (एनओसी) दिइसकेको छ ।

सन्दीपले एमसीसी विरुद्धको फस्ट क्लास क्रिकेट भने खेलिरहेका छन् । टेष्ट राष्ट्र भारत, पाकिस्तान, बंगलादेश, श्रीलंका र अफगानिस्तानसहित नेपाल, ओमान र हङकङले खेल्ने प्रतियोगिताको नेपालको समूहमा भारत, बंगलादेश र हङकङ रहेका छन् ।

इमर्जिंग कप खेल्ने नेपाली टिम :

ज्ञानेन्द्र मल्ल (कप्तान), दिपेन्द्र सिंह ऐरी (उपकप्तान), शरद भेस्वाकर, सोमपाल कामी, करण केसी, विनोद भण्डारी, रोहित पौडेल, ललित नारायण राजबंशी, पवन सराफ, सन्दीप जोरा, सुशान भारी, इशान पाण्डे, आरिफ सेख, अविनाश बोहोरा र कुशल भुर्तेल ।

त्यस्तै म्यानेजर प्रशान्त विक्रम मल्ल, कोच : उमेश पटवाल, सहायक कोच : दिपेन्द्र प्रताप सिंह, भिडियो एनालिष्ट : रमन शिवाकोटी, फिजियो :विक्रम न्यौपाने रहेका छन् ।

Comments

comments