म्यानमारसँगको मैत्रीपूर्ण खेलमा नेपाल ३–० गोलले हार्‍यो




काठमाडौं। मैत्रीपूर्ण फूटबल खेलमा नेपाल म्यानमारसँग पराजित भएको छ । म्यानमारमा बिहीबार भएको खेलमा नेपाल म्यानमारसँग ३–० गोलले पराजित भएको हो ।

नेपालले पहिलो हाफमा दुई र दोस्रो हाफमा एक गोल खाएको थियो । नेपाल म्यानमारसँग ३–० गोलको समान स्कोरले पराजित भएको यो दोस्रो पटक हो । यसअघि सन् २००८ मा खेलिएको एएफसी च्यालेन्च कपमा पनि नेपालले म्यानमारसँग ३–० गोलकै हार खेपेको थियो ।

सन् २०२२ मा कतारमा आयोजना हुने फिफा विश्वकप छनोट अन्तर्गत एसियाली राष्ट्रको दोस्रो चरणको छनोट खेलको तयारी स्वरुप नेपालले म्यानमारसँग मैत्रीपूर्ण खेल खेलेको हो । नेपालले कुवेतसँग मंसिर ३ गते विश्वकप छनोटको खेल खेल्नेछ । नेपाल पहिलो खेलमा यसअघि कुवेतमा भएको खेलमा नेपाल कुवेतसँग ७–० गोलले पराजित भईसकेको छ ।

बायर्न म्युनिख, युभेन्टस र पिएसजी च्याम्पियन्स लिगको नक आउट चरणम

शीर्ष क्लबहरु बायर्न म्युनिख, युभेन्टस र पेरिस सेन्ट जर्मेन (पिएसजी) युरोपियन च्याम्पियन्स लिग फुटबलको नक आउट चरणमा पुगेका छन् । गएराती भएका खेलहरुमा सहज जित निकाल्दै यी तिन टोलीले समुह चरणमा दुई खेल बाँकी छँदै अन्तिम १६ चरणमा स्थान पक्का गरेका हुन् ।

समुह ‘ए’ को खेलमा फ्रान्सको पिएसजीले बेल्जीयमको क्लब ब्रुजलाई १–० ले हराउँदा स्पेनको रियाल मड्रिडले टर्कीको गालातासारेलाई ६–० ले पाखा लगायो । जितसँगै पिएसजीले ४ खेलबाट १२ अंक जोड्दै नक आउट चरणमा ठाउँ बनाउँदा दोस्रो स्थानको रियाल मड्रिडको ७ अंक छ । च्याम्पियन्स लिग समुह ‘बि’ को खेलमा जर्मनीको बायर्न म्युनिखले ग्रिसको ओलम्यिाकोसलाई २–० ले हराउँदा इंग्ल्याण्डको टोटनह्याम हट्सपरले सर्वियाको रेडस्टार बेलग्रेडलाई ४–० ले पाखा लगायो । यो समुहमा बायर्नले १२ अंक जोड्दा दोस्रो स्थानको टोटनह्यामको ७ अंक भएको छ ।

यसैगरी समुह ‘सि’ को खेलमा इंग्लण्डको म्यान्चेस्टर सिटी र इटालीको एटलान्टाले १–१ गोलको बराबरी खेल्दा क्रोएसियाको डाइनामो जाग्रेबले युक्रेनको शख्तरसँग ३–३ गोलको बराबरी खेल्यो । उता समुह ‘डि’ को खेलमा इटालीको युभेन्टसले रुसको लोकोमोटिभ मस्कोलाई २–१ ले हराउँदा जर्मनीको बायर लिभरकुजेनले स्पेनको एथ्लेटिको मड्रिडलाई २–१ ले पाखा लगायो । युभेन्टसले ४ खेलबाट १२ अंक जोड्दा ७ अंकसहित एथ्लेटिको दोस्रो स्थानमा छ ।

Comments

comments