एमसीसीसँग नेपाल २ सय ८ रनको फराकिलो अन्तरले पराजित




काठमाडौं : पाहुना टिम मेरिलेबोन क्रिकेट क्लव (एमसीसी)विरुद्धको तीन दिवसीय क्रिकेटमा नेपाल पराजित भएको छ। शुक्रबार कीर्तिपुरस्थित क्रिकेट मैदानमा भएको खेलमा नेपाल एमसीसीसँग २ सय ८ रनको फराकिलो अन्तरले पराजित भएको हो।

एमसीसीले दिएको ३ सय ९३ रनको फराकिलो लक्ष्य पछ्याएको नेपाल ४० ओभर ३ बलमा अल आउट हुँदै १ सय ८४ रनमा समेटिन पुग्यो। खेलमा नेपालका लागि सोमपाल कामीले ५१ रनको अर्ध सतकीय इनिङ्स खेलेपनि टिमलाई जित दिलाउन सकेनन्। त्यसैगरी राजु रिजालले ३१ रन, सन्दीप लामिछानेले २५ रन जोडन भ्याए। सरद भेषवाकरले १४ रन तथा कप्तान ज्ञानेन्द्र मल्लले ६ रन बनाएर आउन भएका थिए।

एमसीसीका लागि दोस्रो इनिङ्समा बिली गोडलम्यानलाई ३९, तथा एड योङले ३१ रन बनाएका थिए भने विल रोड्सले ३० रन बनाउन भ्याए। एमसीसीका यासिरा अराफाट ६५ रनमा अविजित रहे। त्यस्तै टम वेस्टलीले ३९ रन जोड्दा एलेक्स थोम्पसनले ३० रन बनाएका थिए।

म्यान्चेष्टर युनाईटेड र सेभिल्ला यूरोपा लिगको अन्तिम ३२ मा

म्यान्चेष्टर युनाईटेड र सेभिल्ला युरोपा लिग फुटबलको अन्तिम ३२ मा प्रवेश गरेका छन्। गएराति सम्पन्न खेलमा आ–आफ्ना खेल जितेपछि दुबै टोली अन्तिम ३२ प्रवेश गरेको हुन्। युनाइटेडले सर्वियन क्लब पार्टिजन बेलग्रेडलाई ३–० गोल र स्पेनिस क्लब सेभियाले लक्समबर्गको क्लब एफ ९१ डुडेलाङ्गेलाई ५–२ गोल अन्तरले पराजित गरेका थिए।

युनाईटेडलाई जित दिलाउन ग्रिनउड, एन्थोनी मार्टियल र रासफोर्डले गोल गरे। युनाटेडले ४ खेलबाट १० जोडेको छ। यता सेभियाको जितमा मुनीर एल हाड्डडीले ह्याट्रिक गरे। यस्तै मुनास डाबुरले २ गोल गरे। खेलमा डुडेलाङ्गेका डानिल सिनानीले २ गोल फर्काएका थिए।

समूह ‘ए’ मा रहेको सेभियाले ४ खेलमा १२ अंक जोडेको छ। ३ अंक जोडेको डुडेलाङ्गे तालिकाको अन्तिममा रहेको छ। यता
इटालियन क्लब लाजियोलाई २–१ गोल अन्तरले पराजित गर्दै सेल्टिक पनि अन्तिम ३२ मा प्रवेश गरेको छ।

अन्य खेलमा इटालियन क्लब रोमा जर्मनीको बोरुसिया मोन्चेनग्लाडवाचसंग २–१ गोलले पराजित भएको छ। स्पानियोलले राज्ग्राडलाई ६–० गोलले, बसेलले गेटाफेलाई २–१ ले पराजित गरेको छ। गेन्टले उल्सवर्गलाई ३–१ गोल अन्तरले, रेन्जर्सले पोर्टोलाई २ गोल अन्तरले पराजित गरेको छ।

Comments

comments