नेपाल र कुवेतबिच आज भुटानमा खेल्ने , यसरी हेर्नुस लाईभ ( शक्दो शेयर गरौ )




काठमाडाैँ । कतारमा सन् २०२२ मा आयोजना हुने फिफा विश्वकपको दोस्रो चरणको छनोट अन्तर्गत आज नेपाल र कुवेतबीच भुटानमा खेल हुँदैछ । दुई दिनअघि नै भुटान पुगेको नेपाली टोलीले आफूलाई मौसमअनुकुल हुने गरी तयारी गरेको छ ।

नेपालको पहिलो होम खेलको रुपमा रहेको यस खेल यस अघि दशरथ रंगशाला हुने तय भएको थियो । तर, पुनस्निर्माण भईरहेको नेपालको दशरथ रंगशाला अन्तर्राष्ट्रिय मापदण्ड अनुसार नबनेपछि फिफा र एसियन फुटबल फेडेरेसन (एएफसी) ले खेल न्युट्रल भेन्युमा गर्न एन्फालाई निर्देशन दिएको थियो । जस अन्तर्गत खेल भुटानमा हुन लागेको हो ।

पहिलो लेगमा कुवेतसँग भएको खेलमा नेपाल सात शुन्यले पराजित भएको थियो । छनोटको समूह बी मा नेपाल समूहको चौंथो स्थानमा छ । छनोटको सबै अवे खेल खेलिसकेको नेपालले ४ खेलमा ३ अंक जोडेको छ । कुवेत ७ अंक जोडेर दोस्रो स्थानमा रहेको छ । विश्वकप खेलिसकेको शक्तिशाली कुवेतबाट अंक खोस्ने दावी नेपाली टोलीका कप्तान किरण चेम्जोङले गरेका छन् ।

एनटीभी प्लसले लाईभ देखाउने

नेपाल र कुवेतबीचको खेल नेपाल टेलिभिजनमा हेर्न पाईने भएको छ । विश्वकप छनोटको दोस्रो चरणमा आज हुने नेपाल र कुवेतबीचको खेल नेपाल टेलिभिजन अन्तर्गत एनटीभी प्लसले देखाउने पक्का भएको हो । खेल भुटानको थिम्पुस्थित चाङ्लिमिथाङ रंगशालामा खेल पौने तीन बजे शुरु हुने छ ।

Comments

comments