खुसिको खबर ! नेपाल र कुबेतबिच आज हुने खेल एनटिभी प्लसबाट लाईभ हेर्न पाईने




काठमाडौं– कतारमा सन् २०२२ मा आयोजना हुने फिफा विश्वकप फुटबलको दोस्रो चरणको छनोट खेलमा नेपालले मंगलबार कुवेतसँग खेल्दैछ । नेपाल र कुवेतबीचको खेल नेपाल टेलिभिजनमा हेर्न पाईने भएको छ । विश्वकप छनोटको दोस्रो चरणमा आज हुने नेपाल र कुवेतबीचको खेल नेपाल टेलिभिजन अन्तर्गत एनटीभी प्लसले देखाउने पक्का भएको हो । खेल भुटानको थिम्पुस्थित चाङ्लिमिथाङ रंगशालामा खेल पौने तीन बजे शुरु हुने छ ।

भुटानको थिम्पुस्थित हुने खेलमा नेपालले कुवेतसँग अंक खोस्ने दावी गरेको छ । यसअघि कुवेतमा भएको पहिलो खेलमा नेपाल कुवेतसँग ७–० गोलले पराजित भएको थियो । दशरथ रंगशालाको निर्माण कार्य नसकिएका कारण नेपालले कुवेतसँग न्युटन भेन्युको रुपमा थिम्पुमा खेल्न लागेको हो । टोलीका प्रशिक्षक योहान कालिनले खेलाडीमा कुवेतलाई रोक्ने आम विश्वास रहेको बताए । कालिनको टोलीमा महत्पूर्ण चार खेलाडी छैनन् ।

भुटान जानुअघि मध्यराती ठमेलको नाइट क्लबमा गएर मादक पदार्थ सेवन गरी झगडा गरेको भन्दै अखिल नेपाल फुटबल संघ (एन्फा) ले विमल घर्तीमगर, अन्जन विष्ट, सन्तोष तामाङ र दिनेश राजवंशीलाई टोलीबाट हटाएको थियो । प्रशिक्षक कालिनले टोलीमा अरुपनि राम्रा खेलाडी रहेको बताएका छन् ।

विश्वकप छनोटमा नेपाल समूह ‘बी’ मा छ । समूहमा नेपालसहित कुबेत, जोर्डन, अस्ट्रेलिया र चाइनिज ताइपेई छन् । नेपालले यसअघि चारवटै खेल खेलिसकेको छ । चार खेलमा नेपालले तीनवटा हार खेपेको छ । नेपालले दोस्रो खेलमा चाइनिज ताइपेईलाई २–० गोलले हराएको थियो । नेपाल तेस्रो खेलमा अस्ट्रेलियासँग ५–० गोलले पराजित भएको थियो । चौथो खेलमा नेपालले जोर्डनसँग ३–० गोलको हार खेपेको थियो ।

८ नेपाली क्रिकेट खेलाडी ‘पीएसएल’को ‘ड्राफ्ट’मा

नेपाली राष्ट्रिय क्रिकेट टोलीका ८ जना खेलाडी पाकिस्तान सुपर लिग (पीएसएल) ट्वेन्टी–२० क्रिकेट लिगको ‘ड्राफ्ट’मा परेका छन् ।पहिलोपटक नेपाली ८ खेलाडी कुनै अन्तर्राष्ट्रिय लिगको ड्राफ्टमा पर्न सफल भएका हुन् ।

पाकिस्तान सुपर लिगले सोमबार सार्वजनिक गरेको ड्राफ्टमा सन्दीप लामिछाने, पारस खड्का, सोमपाल कामी, शरद भेषावकर, आरिफ शेख, विनोद भण्डारी, दीपेन्द्रसिंह ऐरी र रोहित पौडेल समावेश भएका हुन् ।

सन्दीप न्यूनतम् एक लाख ४७ हजारदेखि दुई लाख १८ हजार अमेरिकी डलर रहेको ‘प्लाटिनम’ श्रेणीको ड्राफ्टमा परेका हुन् । सन्दीपले पीएसएलको गएको संस्करण पनि खेलेका थिए । अरु सात खेलाडी न्यूनतम् १५ हजारदेखि अधिकतम् ३५ हजार अमेरिकी डलर रहेको ‘सिल्भर’ श्रेणीमा परेका हुन् ।

ड्राफ्ट यही मंसिर २० र २१ गते हुनेछ । एक टोलीले पाँचजना विदेशी खेलाडी अनुबन्ध गर्न पाउनेछन् । एक टोलीले प्लाटिनम, ‘गोल्ड’ र ‘डायमन्ड क्याटगोरी’का तीन/तीनजनामात्र किन्न पाउने नियम छ । त्यस्तै, सिल्भर क्वाटगोरीका पाँच र ‘इमर्जिङ’ दुई खेलाडी राख्नुपर्ने हुन्छ । पीएसएलमा ६ टोलीबीच प्रतिस्पर्धा हुनेछ ।

Comments

comments