पाकिस्तान सुपर लिगमा नेपाली खेलाडी बिक्री भए कति कति रकम पाउँछन् त ? हेर्नुस




काठमाडौँ : नेपाली क्रिकेट टोलीका पूर्व कप्तान पारस खड्का सहित सात जना नेपाली क्रिकेटर पाकिस्तान सुपर लिग ९ पीएसएलको ड्राफ्टमा परेका छन् । सातै जना सिल्भर क्याटागोरी ९विदेशी०मा परेका हुन् । पारस सहित उपकप्तान दीपेन्द्रसिंह ऐरी, ब्याट्सम्यानहरु विनोद भण्डारी, आरिफ शेख, रोहितकुमार पौडेल, शरद भेषवाकर र बलर सोमपाल कामी ड्राफ्टमा परेका हुन् ।

तर, नेपाल क्रिकेट संघ ९क्यान०ले सिफारिस गरेका करण केसी, पवन सर्राफ र ललितनारायण राजवंशी भने ड्राफ्टमा परेनन् । क्यानले सिफारिस गरेको पाँच खेलाडी मध्ये आरिफ र विनोद भने ड्राफ्टमा परेका छन् । सिल्भर क्याटागोरीमा छनोट हुने खेलाडीले १५ देखि ३५ हजार डलर पारिश्रमिक पाउनेछन् । नेपालका सन्दीप लामिछाने भने यस अगाडि नै ड्राफ्टमा परिसकेका छन् ।

सन्दीप प्लाटिनम क्याटागोरीमा परेका छन् । यो क्याटागोरी अन्तर्गत सन्दीप छनोट भए १ लाख ४७ हजार देखि २ लाख १८ हजार अमेरिकन डलरसम्म पारिश्रमिक पाउनेछन् । सन्दीपले अघिल्लो सिजनमा समेत पीएसएल खेलिसकेका छन् ।

यसैबीच, पिसिबीले पाँच क्याटेगोरीमा खेलाडीको ड्राफ्ट सार्वजनिक गरेको छ । प्रत्येक टोलीले ड्राफ्टमार्फत १६ देखि १८ खेलाडी राख्न पाउनेछन् । १६ खेलाडी राखेमा पाँच विदेशी र ११ स्थानीय खेलाडी राख्नुपर्नेछ । १८ खेलाडी राख्दा ६ विदेशी र १२ स्थानीय खेलाडी अनिवार्य रूपमा राख्नुपर्नेछ । पाकिस्तान सुपर लिगमा लाहोर कलन्दर्स, क्वेटा ग्लाडियटर्स, पेसावर जल्मी, मुल्तान सुल्तान्स, इस्लामावाद युनाइटेड र कराँची किंग्स सहभागी छन् ।

Comments

comments