दृष्टिविहीन विश्वकप क्रिकेट प्रतियोगितामा आज नेपालले बंगलादेशसँग खेल्ने


क्रिकेट

काठमाडौं, पुस २६ । पाकिस्तान र युएईले संयुक्त रुपले आयोजना गरिरहेको पाँचौं एकदिवसीय दृष्टिविहीन विश्वकप क्रिकेट प्रतियोगितामा आज नेपालले बंगलादेशसँग खेल्नेछ । आ–आफ्नो पहिलो खेलमा पाकिस्तानसँग ९ विकेटले हारेका नेपाल र बंगलादेश आज पहिलो जितको खोजीमा छन् ।

प्रतियोगिताअन्तर्गत मंगलबार भएको खेलमा नेपाललाई पाकिस्तानले ९ विकेटले हराएको हो । पाकिस्तानको जिन्नाह स्टेडियममा भएको खेलमा पहिले ब्याटिङ गर्दै नेपालले दिएको २५९ रनको लक्ष्य पाकिस्तानले १९ दशमलव १ ओभरमा १ विकेट गुमाएर पूरा गर्‍यो ।

यो पनि पढ्नुहोस् : तीनजना युवतीलाई जबर्जस्ती यौनजन्य क्रियाकलापमा लगाउने पक्राउ

पाकिस्तानका लागि बदानर मुनिरले ५९ बलमा १२६ रन जोडे । प्रतियोगितामा आज बंगलादेशसँग खेलेपछि थप खेलका लागि नेपाली टोली युएईको दुबई पुग्नेछ । दुबईमा नेपालले श्रीलंका, भारत र अस्ट्रेलियासँग थप तीनवटा खेल खेल्नेछ ।

नेत्रहीन एकदिवसीय विश्वकप क्रिकेट : पहिलो खेलमा नेपाल पाकिस्तानसँग ९ विकेटले पराजित

काठमाडौं : पहिलो पटक नेत्रहीन एकदिवसीय विश्वकप क्रिकेट प्रतियोगितामा सहभागिता जनाएको नेपाली टोलीले पहिलो खेलमै परिकलो हार ब्यहोरेको छ। पाकिस्तानमा भइरहेको प्रतियोगितामा नेपाल मंगलबारआयोजक पाकिस्तानसँग ९ विकेटले पराजित भएको हो।

यो पनि पढ्नुहोस् : धुर्मुस-सुन्तलीलाई पनि पक्राउ गरी थुन्न सरकारलाई जिग्रीको आग्रह

४० ओभरको एकदिवसीय खेलमा नेपालले दिएको २५९ रनको लक्ष्य पाकिस्तानले १९.१ ओभरमा मात्र १ विकेट गुमाएर पूरा गर्‍यो। घरेलु टोली पाकिस्तानलाई लगातार दोस्रो जित दिलाउन ओपनर बदानर मुनिरले शतक प्रहार गरे। मुनिरले ५९ बल खेलेर १२६ रन जोडे। महसिन खान ७४ तथा आमिर अस्फाक ४६ रनमा नटआउट रहे।

त्यसअघि पाकिस्तानको जिन्नाह स्टेडियममा टस जितेर पहिले ब्याटिङ गरेको नेपालले निर्धारित ४० ओभरमा ५ विकेट गुमाएर २५८ रन बनाएको थियो। नेपालका लागि रमेश बहादुर बानियाँ र पदम बडौलाले अर्धशतक प्रहार गरे। रमेशले ७२ बल खेलेर सर्वाधिक ५९ रन बनाए भने पदमले ४३ बलमा ५० रन जोडे।

नेपालका लागि बद्री चौलागाँईले ४७ रन बनाए भने खिमानन्द गैरे ३० रनमा नटआउट रहे। नेपालले दोस्रो खेलमा भोली बंगलादेशसँग खेल्नेछ।