नेपाल बंगलादेशसँग ४ विकेटले पराजित,श्रीलंकासँग शुक्रबार दुबईमा खेल्ने


क्रिकेट

काठमाडौं। नेत्रहीन विश्वकप क्रिकेटमा नेपाल बंगलादेशसँग ४ विकेटले पराजित भएका छन्। पाकिस्तानको लाहोरमा नेपालले दिएको २ सय ३५ रनको लक्ष्य बंगलादेशले ३३ ओभर ३ बलमा ६ विकेट गुमाएर भेटाएको हो।

यो पनि पढ्नुहोस् : बढी मूल्य भएका फुटबलरको सूचीमा मेसी दोस्रो स्थानमा पर्दा रोनाल्डो ४९ औं स्थानमा

टस हारेर पहिले ब्याटिङ गरेको नेपालले ४० ओभरमा ९ विकेट गुमाएर २ सय ३४ रन बनाएका थिए । नेपालका लागि कप्तान कृतन श्रेष्ठ दुवालले ६६ रन बनाएको छ । 

पहिलो खेलमा नेपाल पाकिस्तानसँग ९ विकेटले पराजित भएको थियो । बंगलादेश पनि पाकिस्तानसँग ९ विकेटले नै पराजित भएको थियो । तेस्रो खेल नेपालले श्रीलंकासँग शुक्रबार दुबईमा खेल्दैछन् ।

गुप्टिलको आक्रामक ब्याटिङ

नेल्सन : मार्टिन गुप्टिल आफ्नो उत्कृष्ट स्वभावमा आएपछि न्युजिल्यान्डले मंगलबार दोस्रो वानडे अन्तर्राष्ट्रिय क्रिकेटमा पाकिस्तानलाई ८ विकेटले पराजित गरेको छ । वर्षाले बीचमै खेल प्रभावित पारेपछि न्युजिल्यान्डलाई जित्न सजिलो भएको घरेलु टोलीका कप्तान केन विलियम्सनले बताए ।

यो पनि पढ्नुहोस् : यी भारतिय क्रिकेटरको कालो कर्तुतको पर्दाफास ! ६ महिना क्रिकेट खेल्न प्रतिबन्ध

पाकिस्तानले ९ विकेट गुमाई बनाएको २ सय ४६ रनलाई पछयाउने क्रममा न्युजिल्यान्ड १४ ओभरमा ६४–२ को स्थिति रहेको समयमा खेल वर्षाले २ घण्टा प्रभावित पारेको थियो । त्यसपछि न्युजिल्यान्डलाई डकवर्थ लुइस पद्धतिमा २५ ओभरमा १ सय ५१ रन बनाउनुपर्ने नयाँ लक्ष्य दिइएको थियो । न्युजिल्यान्डले बाँकी रहेको ११ ओभरमा ८७ रन बनाए पुग्थ्यो ।

गुप्टिल र रोज टेलरले उत्कृष्ट ब्याटिङ गरेपछि न्युजिल्यान्डले ७ बलअगाडि लक्ष्य पूरा गर्‍यो । वर्षा हुनुअघि ४० बलमा ३१ रन बनाएर खेलिरहेका गुप्टिलले पूरा इनिङ्समा ७१ बलमा ८६ रन बनाए । टेलरले ४३ बलमा ४५ रन जोडी नटआउट रहे । गुप्टिलले ५ चौका र ५ छक्का तथा टेलरले ४ चौका प्रहार गरे ।

मोहम्मद हफिजले ६० रन बनाए पनि ३७ ओभरमा १४१–७ मा पुगेको पाकिस्तानलाई यसअघि सद्दाव खान र हसन अलीले अर्धशतक बनाउँदै उकासेका थिए ।

यो पनि पढ्नुहोस् : कौटिन्हो भित्रिएसगै बार्सिलोनाको नँया सम्झौता: यी हुन् सर्वाधिक कमाउने ५ खेलाडी

सद्दावले ६८ बलमा ५२ र अलीले ३१ ब्लमा ४ चौका र ४ छक्का प्रहार गरी ५१ रन बनाए । यी दुईले आठौं विकेटमा ७० रन जोडेका थिए । न्युजिल्यान्डका लकी फर्गुसनले ३ तथा टिम साउथी र टोड एस्टलले २–२ विकेट लिए । न्युजिल्यान्ड ५ खेलको शृंखलामा २–० ले अगाडि छ । तेस्रो खेल शनिबार डुनेडिनमा हुनेछ ।