नायिका एलिसा राईको प्रस्तुतीमा उमेर पुगेकी छोरीको रहर (भिडियो )


Featured, मनोरन्जन

काठमाडौं । स्थापित गायिका चन्दा देवानको सुमधुर स्वर रहेको गीत ‘रम्दैछ अलि अलि…’ को म्युजिक भिडियो सार्वजनिक भएको छ । उक्त भिडियोमा चर्चित नायिका एवं मोडल एलिसा राईले आकर्षक नृत्य–अभिनय गरेकी छिन् ।

भिडियोमा एउटी छोरीले आमासामु अभिव्यक्त गरेका भावनालाई नृत्यको माध्यमबाट सजीव ढंगले प्रस्तुत गरिएको छ । उमेरसंगै छोरीमा आएका चाहना र रहरहरूलाई यो गीतले समेटेको छ । ‘रम्दैछ दबेको मन, खुल्दैछ लुकेको मन’ शीर्ष शब्दबाट सुरु भएको गीतमा खुलेर नाच्ने मन भएको, हातमा चुरा, शिरमा शिरबन्दी र खुट्टामा पाउजु लगाउने चाहना छोरीले राखेकी छन् ।यस्तै १६ वर्षे बैंसमा चरी जस्तै उडी जाने रहर पलाएको छ छोरीमा । चंचल मनसित कल्पनाका पखेटा फिंजाएर जतासुकै पुग्न खोज्ने छोरीका रहरालु भावनाहरू गीत सुरु भएदेखि अन्त्य हु‘दासम्म छताछुल्ल महसुस गर्न सकिन्छ ।

सचिन सिंहद्वारा संगीतबद्ध उक्त गीतका शब्दहरु चेतन बाराकोटीले रचना गरेका हुन् । म्युजिक भिडियोको निर्देशन युवा सञ्चारकर्मी विदुर खतिवडाले गरेका हुन् । उत्कृष्ट छायाकारको परिचय बनाइसकेका सुदीप बरालको छायांकन तथा राजीव समरको कोरियोग्राफी रहेको उक्त म्युजिक भिडियो नगरकोटस्थित होटल क्लब हिमालयमा छायांकन गरिएको हो । उक्त गीतको म्युजिक भिडियोलाई केन्द्रबिन्दु टिभीले सार्वजनिक गरेको हो । यस्तो छ म्युजिक भिडियो