नेपाल अाइडलमा सुजता पाण्डे यात्रा समाप्त ( भिडियो सहित)


Featured, मनोरन्जन

काठमाडौ । नेपाल अाइडलको उत्कृष्ट पाँचबाट सुजाता पाण्डे अाउट भएकि छिन् । सुजाता पाण्डे नेपाल आइडलमा सहभागी हुन चाहने हजारौंलाई उछिन्दै उत्कृष्ट ५ सम्म आइपुग्ने एकमात्र महिला प्रतियोगी हुन्, सुजाता पाण्डे । शुक्रबारको एपिसोडमन सुजता सँगै बुद्ध लामा र प्रताप दाप पनि डेण्जर जोनमा परेका थिए ।

बुटवलकी २१ वर्षीया सुजाता अरुणा लामा, तारादेवी र नयाँ पुस्तामा मेलिना राईको स्वर मन पराउँछिन् । बुटवलबाट अडिसन दिएकी उनको पनि लक्ष्य जित नै थियो जुन टप ५ सम्म अाएर समाप्त भएको छ । नेपाल आइडलमा आएपछि गायनसम्बन्धी धेरै कुरा सिकेको उनको भनाइ छ । बीबीएस अध्ययनरत उनी परिवारको साथ र दर्शकको मायाका कारण नेपाल आइडलजस्तो गरिमामय प्रतियोगितामा यहाँसम्मको यात्रा तय सम्भव भएको बताउँछिन् ।

नेपाली टेलिभिजनको इतिहासमा सर्वाधिक रुचाइएको गायन रियालिटी सो नेपाल आइडलको यात्रा अहिले उत्कृष्ट ५ मा आइपुगेको छ । यो क्रम उत्कृष्ट तीनसम्म निरन्तर चल्नेछ । यस अर्थमा अब अझै दुई जना प्रतियोगी बाहिरिनेछन् । बाँकी तीनजना अन्तिम प्रतिस्पर्धामा उत्रिनेछन् । अन्तिम प्रतिस्पर्धामा उत्रिएका तीनमध्ये एकजना विजेताले नेपाल आइडलको सान र मान पाउनेछन् ।