यस्तो छ नेपाल अाइडलमा बाँकी रहेका चार प्रतियोगिहरुको जिवनी


Featured, मनोरन्जन

काठमाडौं । यतिबेला एपिवान टेलिभिजनमन प्रसारण भईरहेको नेपाल अाईडलको चर्चा चुलिएको छ । सामाजिक सञ्जाल मात्र हैन टोल टोलका चिया पसलमा समेत नेपाल अाइडल कसले जित्छ भन्ने अनुमान लगाउने हरुको कमि छैन । नेपाल अाइडलबारे सबैले अा-अाफ्नो तर्क र बिचारहरु राख्ने गरेका छन् ।

नेपाल अाइलमा सहभागी प्राय सबै प्रतियोगिहरु रातारात स्टार भईसकेका छन् । देश बिदेश नेपाली संगित प्रेमिमाझ एक छुट्टै पहिचान बनाएको नेपाल अइडलमा अब मात्र ४ जना प्रतियोगिहरु बाँकी रहेका छन् । नेपालमा पहिलो पटक भित्र्याइएको अन्तर्राष्ट्रिय फ्रेन्चआइच सोको विजेता बनेर इतिहास रच्ने अवसर कसले पाउने हुन् त्यो भने समयले तय गर्नेछ ।अाज हामी तपाई सामु तिनै चार जना प्रतियोगिहरुको बारेमा जानकारी दिदैछौ ।

प्रताप दास

सबै खाले गीत सुन्न र गाउन मन पराउने प्रताप दास नेपाल आइडलका प्रबल दाबेदार मानिएका छन् । ललितपुर झरुवारासीका २२ वर्षीय प्रताप पारिवारिक वातावरण नै सांगीतिक भएकाले यस क्षेत्रप्रति आकर्षित भएका हुन् । लगभग तीन वर्ष गायनसम्बन्धी प्रशिक्षण लिएका उनी नारायणगोपाल र कर्णदासको स्वरबाट प्रभावित छन् । स्नातक अध्ययनरत उनी अहिले आफ्नो एकमात्र लक्ष्य नेपाल आइडल भएको बताउँछन् । प्रतियोगितामा उत्कृष्ट चार सम्म आइपुग्दा उनले निकै रोमाञ्चक अनुभूति गरेका छन् ।

निशान भट्टराई

दुईवटा चर्चित प्रतियोगितामा मोरङ उर्लाबारीका दुई प्रतियोगी देखा परे । नेपाल आइडलमा निशान भट्टराई र मिस नेपालमा निकिता चान्डक । निकिताले ताज चुमेर उर्लाबारीवासीबाट स्याबासी पाइसकेकी छन् भने निशान त्यस्तै इतिहास बनाउन प्रयासरत छन् । बीबीएस अध्ययनरत २१ वर्षीय भट्टराई सानैदेखि गीतसंगीतप्रति रुचि राख्थे । निशानको गायनकलाका कारण उनी पनि नेपाल आइडलका प्रबल दाबेदार मानिएका छन् । गजल, आधुनिक गायनमा रुचि राख्ने उनी सबै खाले गीत गाउन सक्छन् ।

सागर आलेमगर

प्लस टु गरेका सागर आलेमगरले पनि नेपाल आइडलमा उत्कृष्ट चार सम्मको यात्रा तय गरेका छन् । चितवनका २० वर्षीय मगर सबै प्रकारका गीत सुन्न र गाउन मन पराउँछन् । अहिलेसम्म औपचारिक रूपमा संगीत नसिके पनि उनको गायनकौशल र स्वर लोभलाग्दो छ । नेपाल आइडलमा आएर आफूले संगीतसम्बन्धी धेरै कुरा सिकेको उनको भनाइ छ । परिवारमा सांगीतिक वातावरण भएकाले यस क्षेत्रमा आकर्षित भएका आलेमगरले नेपाल आइडलका लागि नारायणगढबाट अडिसन दिएका थिए ।

बुद्ध लामा

नेपाल आइडलमा उत्कृष्ट चार सम्म आइपुगेका पोखरा, नयाँबजारका बुद्ध लामा अहिलेसम्म एक पटक बटम लाइनमा परेका छन । प्लस टु अध्ययनरत २० वर्षीय लामा प्रतियोगिताका प्रबल दाबेदारमा पर्छन् । दिदी र दाइका कारण गायन क्षेत्रमा लाग्न सम्भव भएको बताउने उनी पुराना र आधुनिक शैलीका गीत मन पराउँछन् । नेपाल आइडलमा आएपछि उनले जति मेहनत गरेका छन्, श्रोता दर्शकको साथ पनि त्यत्तिकै पाउँदै आएका छन् । सामान्य परिवारका बुद्धलाई मेहनत र गायनकौशलकै कारण धेरैले मन पराएको देखिन्छ ।