चलचित्र ‘छक्का पन्जा २’को ‘झ्याम्म झ्याम्म’ बोलको गीतको भिडियो सार्वजनिक


मनोरन्जन

काठमाण्डौं भाद्र १२ । रिलिज हुन बाँकी चलचित्र ‘छक्का पन्जा २’को ‘झ्याम्म झ्याम्म’ बोलको गीतको भिडियो सार्वजनिक भएको छ । पहिलो गीत ‘नाइलनको साडी’ बिबादित बने पनि यो गीतले नयाँ चर्चा पाउने अपेक्षा निर्माण पक्षले गरेका छन ।

हरिवंश आचार्य र आस्था राउतको स्वर, किरण कँडेलको संगीत, उत्तम संजेलको शब्द रचना रहेको चलचित्रको उक्त भिडियो कविराज गहतराजको कोरियोग्राफी, पुरुषोत्तम प्रधानको छायांकन गरेका हुन ।

गीतमा अतिथी कलाकारको रुपमा विल्सन विक्रम राइले नृत्य गरेका छन् भने ,चलचित्रका मुख्य कलाकार नायिका प्रियंका कार्की, दीपकराज गिरी र वुद्धि तामाङको नृत्य उक्त भिडियोमा हेर्न पाइनेछ ।

दीपाश्री निरौलाको निर्देशनमा तयार भएको चलचित्रमा जीतु नेपाल, केदार घिमिरे, शिवहरि पौडेल, बर्षा राउत, स्वस्तिमा खड्का, स्वरुपपुरुष ढकाल लगायतका कलाकारको पनि मुख्य भूमिका रहेको छ । भिडियो हेर्नुहोस: