हङकङ बिरुद्ध हुने खेलका लागि नेपाली टोलीको अभ्यास सुरु


क्रिकेट

काठमाडौं :  वल्र्ड क्रिकेट लिग च्याम्पियनसिप अन्र्तगत हङकङबिरुद्ध हुने छैटौं चरणको खेलका लागि नेपाली टोलीले आज अन्तिम अभ्यास सुरु गरेको छ । दशैं अघि १० दिने भारत भ्रमणमा गएको टोलीले घरेलु मैदानमा ६ दिनको अभ्यास गर्ने नेपाली टोलीका टिम म्यानेजर रमन सिवाकोटीले जानकारी दिनुभयो । भारतमा खेलेका ४ अभ्यास खेल मध्ये ३ मा जित हात पारेको नेपाल अन्तिम खेलमा भने पराजित भएको थियो ।

घरेलु मैदानको अभ्यासपछि नेपाली टोली आगामी मंगलबार हङकङ प्रस्थान गर्नेछ । नेपालबिरुद्धको खेलको तयारीका लागि हङकङको टोलीले अष्ट्रेलियामा २ साता लामो अभ्यास सकेको छ । नेपाल र हङकङबीच आगामी असोज २७ र २९ गते हङकङको घरेलु मैदानमा प्रतिस्पर्धा हुनेछ । रेडियो कान्तिपुरबाट