क्रिकेट बलले छातीमा लागेर बंगलादेशमा एक किशोरको मृत्यु


क्रिकेट

ढाका । बंगलादेशमा एक किशोरको क्रिकेट बलले लागेर मृत्यु भएको छ ।स्थानीय प्रहरीका अनुसार १७ वर्षीय राफिकुल इस्लामको अम्पायर बसेका बेला छातीमा बलले लागेर मृत्यु भएको हो । शुक्रबार मैदानमा अम्पायर बसेका राफिकुलको ढाका मेडिकल कलेजमा उपचारको क्रममा मृत्यु भएको हो ।अम्पायर बसेका राफिकुलको छातीमा बलले लागेको थियो । बलले लागेर गम्भीर बनेका इस्लामलाई तत्कालै अस्पताल लगिएको थियो। तर, चिकित्सकले उनलाई मृत घोषित गरे।

उनी गरिब परिवारमा हुर्किएको बताइएको छ । उनको बुवा रिक्सा चलाउने गर्छन भने आमा घरको काम गर्ने गर्छिन् ।तीन वर्षअघि यस्तै गरि अष्ट्रेलियाका ब्याट्सम्यान फिलिपको निधन भएको थियो ।