यसकारण नेदरल्यान्ड बिरुद्ध उत्कृष्ट प्रदर्शन गरे पनि पारस खड्का अाईसिसीको बरियतामा परेनन्


Featured, क्रिकेट

काठमाडौं : नेपालका तीन खेलाडीलाईसमावेश गर्दै अन्तर्राष्ट्रिय क्रिकेट परिषद आईसीसीले नयाँ एकदिवसीय वरियता सार्वजनिक गरेको छ। सार्वजनिक भएको वरियतामा बलिङतर्फ सन्दीप लामिछाने परेका छन् भने ब्याटिङमा सोमपाल कामी र ज्ञानेन्द्र मल्ल परेका छन्। विश्व क्रिकेट र नेपाली क्रिकेटको पल पलको अपडेटको लागि यहाँ क्लिक गर्नुहोस् ।

यो पनि पढ्नुस् : पहिलो पटक वनडे बरियतामा परेका सन्दिप, सोमपाल र ज्ञानेन्द्र कति अौ स्थानमा ? हेर्नुस्

२ ओडिआईबाट ४ विकेट लिएका सन्दिप बलिङ बरियताको २१७औं स्थानमा परेका छन्। यस्तै समान २ खेलबाट एक अर्धसतकसहित ६१ रन बनाएका सोमपाल कामी २२९ औं स्थानमा र समान २ खेलबाट एक अर्धसतकसहित ६४ रन बनाएका ज्ञानेन्द्र मल्ल २३६ औं स्थानमा समावेश छन्।

नेपालले एक दिवसिय अन्तर्राष्ट्रिय मान्यता पाएसँगै अगस्ट १६ र १८ तारिखका दिन नेदरल्यान्ड्ससँग पहिलो एक दिवसिय अन्तर्राष्ट्रिय सिरिज खेलेको थियो । नेदरल्याण्ड्ससँगको एकदिवसीयका आधारमा नेपाली खेलाडीहरुलाई वरियतामा समावेश गरिएको आईसीसीले जनाएको छ । यस्तै नेदरल्याण्ड्ससँग दुई वटा मात्रै एकदिवसीय खेल खेलेको नेपालले टिम वरियतामा स्थान पाउन अझै दुई खेल खेल्नुपर्छ। विश्व क्रिकेट र नेपाली क्रिकेटको पल पलको अपडेटको लागि यहाँ क्लिक गर्नुहोस् ।

यो पनि पढ्नुस् : इंग्ल्याण्ड बिरुद्धको दोस्रो टेस्टमा पनि भारतको यस्तो लज्जास्पद हार (हेर्नुहोस भिडियो)

तर नेदरल्यान्ड बिरुद्ध बलिङ र ब्याटिङमा उत्कृष्ट प्रदर्शन गरेका नेपाली कप्तान पारस खड्का भने अाईसिसीको बरियतामा अटाउन सकेनन् । नेदरल्यान्ड बिरुद्ध उनले पहिलो खेलमा ४ अोभर बलिङ गर्दै मात्र २६ रन दिएर महत्त्वपूर्ण ४ विकेट लिएका थिए भने ब्याटिङमा १२ रनको योगदान समेत गरेका थिए । 

त्यस्तै दोस्रो खेलमा पारसको प्रदर्शन झनै उत्कृष्ट रह्यो । उनले ब्याटिङमा ७९ बल खेलेर ५१ रन बनाए भने बलिङ तर्फ ६ अोभरमा २४ रन दिएर १ विकेट लिदै नेपालको जितमा महत्त्वपूर्ण योगदान गरेका थिए । पारसले नै अन्तिम अोभरमा २ रन अावश्यक भएको बेला नेदरल्यान्डका खेलाडीलाई रन अाउट गर्दै नेपाललाई पहिलो एेतिहासिक वनडे जिताएका थिए । यसअघि आईसीसीले सार्वजनिक गरेको आइसीसीको टि-२० वरियतामा पारस खड्का ९०औ स्थानमा रहेका छन् । विश्व क्रिकेट र नेपाली क्रिकेटको पल पलको अपडेटको लागि यहाँ क्लिक गर्नुहोस् ।

यो पनि पढ्नुस् : सागर पुनको टिमले जित्यो मलेसियन प्रिमियर लिग, सागरले बनाए सर्वाधिक रन (हेर्नुहोस भिडियो)

आईसीसीले सार्वजनिक गरेको वरियतामा ब्याट्सम्यानतर्फ भारतीय राष्ट्रिय क्रिकेट टिमका कप्तान विराट कोहली शीर्ष स्थानमा रहेका छन् । दोस्रो स्थानमा पाकिस्तानका खेलाडी बाबर अजाम रहेका छन् । त्यस्तै, वरियताको बलिङतर्फ शीर्ष स्थानमा भारतका जस्प्रित बुमरा रहेका छन् भने अलराउण्डरमा बंगलादेशका शाकिब अल हसान रहेका छन् ।