श्रीलंकामा नेपालको शानदार जित बारेको यो भिडियो रिपोर्ट अाफु हेर्नुस र सबैलाई देखाउन शेयर गर्नुहोस


क्रिकेट

काठमाडौं । एसिया कप छनोट खेलको तयारीमा रहेको नेपालले श्रीलंकामा खेलेको तेस्रो तथा अन्तिम अभ्यास खेलपनि जितेको छ । कोल्टस् क्रिकेट क्लबविरुद्ध नेपालले ५ विकेटको जित हात पारेको हो । विश्व क्रिकेट र नेपाली क्रिकेटको पल पलको अपडेटको लागि यहाँ क्लिक गर्नुहोस् ।

कोल्टस्ले दिएको २१७ रनको लक्ष्य पच्छ्याएको नेपालले ४२.४ ओभरमा ५ विकेटको क्षतिमा २१८ रन बनाउँदै तेस्रो जित हात पारेको हो । नेपालले २१८ रन बनाउने क्रममा नेपालका कप्तान पारस खड्का र दीपेन्द्र सिंह ऐरीले उत्कृष्ट ब्याटिङ गरे । जसमा कप्तान खड्काले सर्वाधिक ५८ रन बनाए भने दीपेन्द्र सिंह ऐरीले नटआउट ५२ रन बनाए ।

नेपालका लागि उप—कप्तान ज्ञानेन्द्र मल्ल ४५, आरिफ शेख २३ रन बनाए भने सुवास खकुरेलले २२ रन बनाए । त्यस्तै, कोल्टस्का आयन श्रीबर्धनेले २ विकेट लिएका थिए । यसअघि पहिला ब्याटिङ गरेको कोल्ट्सले ५० ओभर सकिन १ बल बाँकी रहँदा सबै विकेट गुमाएर २१६ रन बनाएको थियो । कोल्टस्ले २१६ रन बनाउने क्रममा कोल्ट्सका हसन हेवानायकेले ५९ रन बनाए । त्यस्ते, आयन श्रीवर्धनेले ३६, मादरा लाकमारले ३१ रन बनाएका थिए ।

भने टस हारेर बलिङको निम्तो पाएको नेपालले कोल्टस् लाई २१६ रनमा समेट्न नेपालका सोमपाल कामीले सर्वाधिक ३ विकेट लिएका थिए भने करन केसी र सागर पुनले समान २—२ विकेट लिए । यसअघि नेपालले अभ्यासको पहिलो खेलमा श्रीलंका आर्मी क्रिकेट टिमलाई ६७ रनले जितेको थियो भने दोस्रो खेलमा ब्लुमफिल्ड क्रिकेट क्लबलाई १७६ रनले पराजित गरेको थियो । विश्व क्रिकेट र नेपाली क्रिकेटको पल पलको अपडेटको लागि यहाँ क्लिक गर्नुहोस् ।

नेपाली क्रिकेट टोली सोमबार एसिया कप छनोट खेलका लागि मलेसिया जानेछ । भने नेपालले एसिया कप छनोटको पहिलो खेल अगस्ट २९ मा ओमानविरुद्ध खेल्दैछ । भिडियो रिपोर्ट हेर्नुस