आज देशभर लोडसेडिङ नहुने, कुलमान आफै रातभरी खटिने


समाचार

काठमाडौं, कात्तिक २ । नेपाल विद्युत् प्राधिकरणले आज(लक्ष्मीपूजा)को दिन देशभर लोडसेडिङ नहुने दावी गरेको छ । जसको व्यवसास्थापनका लागि प्राधिकरणका प्रमुख कुलमान घिसिङ आफै स्युचाटारको भारपे्रषण केन्द्रमा इन्जिनियरको भूमिकामा रातभरी खट्ने तयारीमा छन ।

यस वर्षको तिहारमा, विशेष गरेर आज अहिलेसम्मकै सबैभन्दा बढी बिजुलीको माग हुने भएकाले आज कुनैपनि हालतमा बत्ती नजाने व्यवस्था गर्न कुलमानको टोलीलाई भ्याइनभ्याइ छ ।

यो वर्ष तिहारमा १५५० मेगावाट विजुलीको माग हुने प्राधिकरणको पूर्वानुमान रहेको छ । काठमाडौ उपत्यकामा गएको वर्ष तिहारदेखि लोडसेडिङ अन्त्यको घोषणा भएको थियो । जसका लागि स्युचाटारको भारप्रेषण केन्द्रमा बसेर उपत्यका लोडसेडिङ नगर्ने परीक्षण गरेका प्राधिकरणका प्रवन्ध निर्देशक घिसिङ आज पनि मास्टर स्टेशनमा खटिने भएका हुन ।

कुनै स्थानमा समस्या आउने बित्तिकै आधा घन्टाभित्रै पुगेर मर्मत गर्न नोलाइटको ‘प्रोम्प्ट सप्लाई रेसपोन्स टिम’ (पीएसआरटी) पनि तयारी अवस्थामा रहने प्राधिकरणले जनाएको छ । एभरेस्ट दैनिकबाट