भूपू गोर्खा सैनिकले खुकुरी प्रहार गरेर श्रीमती मार्ने प्रयास गरेको भन्दै वेलायतमा १४ बर्ष जेल सजाय


समाचार

बेलायत । आफ्नै श्रीमतीलाई खुकुरी प्रहार गरेर मार्ने प्रयास गरेको भन्दै बेलायतको एक अदालतले एक भूपू गोर्खा सैनिक बिकाश गुरुङलाई १४ बर्षको जेल सजाय तोकेको डेलीमेल अनलाइनले जनाएको छ ।

गत बर्षको डिसेम्बर २९ मा वेलायत स्थित स्विन्डनमा आफ्नै श्रीमतीको ज्यान मार्ने उद्योग गरेको अभियोगमा एक नेपालीलाई प्रहरीले हिरासतमा लिएको थियो । दाङ्, घोराही घर भई हाल स्विन्डन ब्याड्बुरी पार्कमा घर किनेर बसोबास गरिरहेका ४१ बर्षिय बिकाश गुरुङलाई आफ्नै श्रीमती ३६ बर्षिय कामना गुरुङलाई गत २९ डिसेम्बरमा बिहिवारका दिन आफ्नै निवासमा कुटपिट गरि ज्यान मार्ने उद्योग गरेको अभियोगमा विल्ट्शायर प्रहरीले पक्राउ गरी स्विन्डन क्राउन कोर्टमा मुद्दा दायर गरेको थियो ।

यो पनि पढ्नुस् : युवतीहरु किन ब्रा लगाउँछन् ? जानी राखौ !!

तत्कालिन घटनाबारे प्रहरी अधिकारीका अनुसार पिडित महिलालाई गम्भीर रुपमा टाउको, अनुहार र हातहरुमा चोटहरु लागेको अबस्थामा उद्दार गरी उपचारको लागी स्विन्डनको ग्रेट वेस्टर्न हस्पिटल लगिएकोमा जहॉं उपचार हुन नसकि ब्रिस्टोल स्थित साउथमिड हस्पिटलमा रिफर गरि उपचार गरिएको थियो । विल्टशायर प्रहरी प्रवक्ताले भने, “पिडितको स्वास्थ्य स्थिती अत्यन्त नाजुक र स्थिर रहेको थियो ।”

पिडित कामना गुरुङ स्टाफ नर्स रहेको र ग्रेट वेस्टर्न हस्पिटल स्विन्डनमा कार्यरत रहेका थिए। अभियुक्त बिकाश गुरुङ गोर्खा रिटायर्ड क्याप्टेनको छोरा भएको र उनी जिटिआरबाट आर डि मा निस्केका थिए भने अहिले सेक्युरेटी गार्डको रुपमा कार्यरत थिए। उक्त दम्पत्तिको दुई छोराहरु रहेको डेलीमेलले जनाएको छ ।

डेली मेलका अनुसार बिकाश गुरुङले आफ्नी श्रीमती कामना गुरुङको अर्को पुरुषसंग लभ अफयेर रहेको र कामनाले डिभोर्स मागेकोले आफ्नो आत्मसम्मानमा चोट पुगेको महसुस गरि श्रीमती गुरुङलाई मार्न नै खोजेको तर भाग्यबश गहिरो चोट लाग्दा पनि कामना गुरुङ बाच्न सफल भएको जनाएको छ ।

डेलीमेलका अनुसार २० बर्ष अघि सामाजिक बिवाह गरेका गुरुङ दम्पतिकै बाहिर लभ अफेयर्स रहेकोले गर्दा उक्त घटना घट्न पुगेको आशंका गरेको छ । पानाखबरबाट