सागमा नेपालको खेलमा ५ सय टिकट दाम राखेपछि कप्तान ज्ञानेन्द्र मल्लले भने : ” टिकट मंहगो भयो “


क्रिकेट

काठमाडौं : राष्ट्रिय क्रिकेट टिमका कप्तान ज्ञानेन्द्र मल्लले त्रिकेटको टिकट मूल्य महंगो भएको बताएका छन्। १३ औं दक्षिण एसियाली खेलकुद (साग)मा सरकारले दर्शकको लागि निर्धारण गरको टिकट मूल्य मंहगो भएको बताएका हुन्। क्रिकेट दर्शककालागि सरकारले दुई सय र पाँच सय दरका टिकट निर्धारण गरेपछि कप्तान मल्लको उक्त धारण आएको हो।

‘सागका लागि सरकारले निर्धारण गरेको दर मंहगो छ’ कप्तान मल्लले भने, ‘देशमा अझैपनि टिकेट काटेर क्रिकेट हेर्न आउने दर्शक कम भएकाले टिकट सस्तो हुनु पर्छ।’ टिकट काट्नु सरकारको सही निर्णय भएपनि दर कम हुनु पर्ने उनले बताए।

कप्तान मल्लले साग क्रिकेटमा गोल्ड मेडल नै भित्र्याउने दाबी गरे। ‘होम ग्राउन्डको ठूलो साथ छ’ कप्तान मल्लले भने,‘भारत र पाकिस्तान जस्ता ठूला देश सहभागी नहुँदा त्यसको फाइदा नेपालले लिनुपर्छ।’ श्रीलंका, बंगलादेश जस्ता क्रिकेटका ठूला शक्तिशाली राष्ट्रलाई हराउने दाबी कप्तान मल्लाको छ।

नेपाली टोलीद्वारा बंगलादेश ३-० को सेटमा पराजित

१३ औं दक्षिण एसियाली खेलकुदमा नेपाली महिला भलिबल टोलीले सानदार जीत निकाल्दै सुखद सुरुवात गरेको छ । नेपालले बंगलादेशलाई ३–० को सोझो सेटमा पराजित गर्दै सुखद सुरुवात गरेको हो । नेपालमा हुने १३औं दक्षिण एसियाली खेलकुद (साग) अन्तर्गत आजदेखि भलिबलका खेलहरु सुरु भएका छन् । साग खेलकुदको औपचारिक उद्घाटन हुनु चार दिन अगाडि नै साग अन्तर्गतको पुरुष र महिलाको प्रतिस्पर्धा सुरु भएको हो ।

दशरथ रंगशालामा भएको भलिबल खेलमा नेपालको महिला टिमले बंगलादेशसँग एकतर्फी रूपमा उत्कृष्ट प्रतिस्पर्धा गर्दै ३–० को सेटमा जीत निकाल्दै सागमा सुखद शुरुवात गरेको छ । नेपालले पहिलो सेट २५-९ ले जित निकाल्दा दोस्रो सेट पनि २५-९ अंकमा पराजित गर्‍यो । त्यसै अन्तिम अर्थात तेस्रो सेटमा २५-११ अंकले पराजित गरेकाे थियोे ।

यसैगरी आजै पुरुषतर्फ पनि नेपालले साझ ७ बजे बंगलादेशसँग त्रिपुरेश्वस्थित राखेप कभर्डहलमा प्रतिस्पर्धा गर्ने भएको छ । नेपालले दुई साता अघि बंगलादेशमा सम्पन्न प्रथम एभीसी एसियन सेन्ट्रल जोन सिनियर महिला भलिबल च्याम्पियनसीपमा ३–० को सोझो सेटमा पराजीत गरेको थियो । सोही जीतलाई नेपाली महिला भलिबल टोली निरन्तरता राखेको छ ।

अब नेपाली महिला टोलीले भोलि भारतसँग प्रतिस्पर्धा गर्नेछ । महिला भलिबलमा नेपाल समूह ‘ए’ मा रहेको छ । नेपाल रहेको समूहमा भारत र बंगलादेश छन् । भारत स्वर्णको दाबेदार हो । नेपालले पनि स्वर्ण जित्ने लक्ष्य राखेको छ । आजै माल्दिभ्स पाकिस्तानबीच खेल हुनेछ । बिहीबार भारत र नेपाल तथा श्रीलंका र पाकिस्तानबीच खेल हुनेछ ।

शुक्रबार भारत बंगलादेश तथा श्रीलंका र माल्दिभ्सबीच खेल हुनेछ । शनिबार सेमिफाइनल, सोमबार तेस्रो स्थानको लागि तथा मगलबार स्वर्णको लागि प्रतिस्पर्धा हुनेछ । महिला भलिबलमा पाकिस्तान नआउने भएपछि वाकओभर पाउने सम्भावना छ ।

पुरुष भलिबलमा नेपाल, भारत र बंगलादेश एकै समूह ‘ए’ मा रहेको छ । समूह ‘बी’ मा पाकिस्तान, श्रीलंका र माल्दिभ्स रहेका छन् । पुरुष भलिबलमा पनि भारत स्वर्णको दावेदार टोली हो । दुई समूहका शीर्ष दुई टोली सेमिफाइनलमा प्रवेश गर्नेछन् ।

दोस्रो दिन पाकिस्तान र माल्दिभ्स र तथा भारत र बंगलादेशबीच खेल हुनेछ । तेस्रो दिन भारत र नेपाल तथा श्रीलंका र माल्दिभ्सबीच खेल हुनेछ । शनिबार श्रीलंका र पाकिस्तनबीच खेल हुनेछ । प्रतियोगिता अन्तर्गत आइतबार सेमिफाइनलका दुवै खेल हुनेछ । सोमबार तेस्रो स्थानको लागि तथा मंगलबार स्वर्णपदकको लागि खेल हुनेछ ।