टिकटक चलाउन प्रतिबन्ध!


प्रविधि

एजेन्सी । नेपाललगायत विश्वभर लोकप्रिय बन्दै गएको एप टिकटकको प्रयोग गर्न अमेरिकी सेनाले प्र तिबन्ध लगाएको छ । सुरक्षाको कारण देखाउँदै अमेरिकी सेनाले टिकटक एपको प्रयोग कार्यालय प्रयोजनमा प्रयोग हुने मोबाइल फोनमा चलाउन रोक लगाएको हो ।

चिनियाँ कम्पनी बाइट डान्सको स्वामित्व रहेको उक्त एपमाथि अमेरिकासहित विभिन्न मुलुकमा कडा नि गरानी रहेको छ । अमेरिकी सेनाकी प्रवक्ता प्रमुख सेनानी रोबिन ओचोआले अमेरिकी सञ्चारमाध्यमहरूलाई उक्त एपलाई “साइबर खतरा”का रूपमा हेरिएको बताएकी छिन् ।

सेना प्रवक्ता ओचोआले मिलिटरी डटकमलाई बताए अनुसार सैन्य अधिकारीहरूलाई सरकारी स्वामित्वमा रहेका मोबाइल फोनहरूमा डिसेम्बर महिनाको तेस्रो हप्ताबाट एप प्रयोग नगर्न सुझाइएको बीबीसीले जनाएको छ ।

सेनाले निजी मोबाइल फोनमा उक्त एपको प्रयोगमा रोक लगाउन नसक्ने भए पनि रक्षा मन्त्रालयले हालसालै कर्मचारीहरूका लागि निर्देशिका जारी गरेको छ जसमा “आफूले डाउनलोड गर्ने एपहरूबाट सावधान रहन” भनिएको छ ।

विश्वभरि आधा अर्ब प्रयोगकर्ता रहेका उक्त एपले प्रायः जसो फरक किसिमका छोटा भिडिओ आफैँ सम्पादन गरेर सार्वजनिक गर्न सहयोग गर्छ । कुनै गीत वा हँसाउने भिडिओमा १५ सेकेन्ड जति ओठ मिलाउँदै अभिनय गर्न र त्यसलाई अरूले हेर्न मिल्ने गरी सार्वजनिक गर्न सकिने एप युवा प्रयोगकर्ताबीच निकै लोकप्रिय छ ।

एपका सबै खाता शुरूमा सबै प्रयोगकर्ताले हेर्न सक्ने खाले हुन्छन्। तर त्यसमा केही प्र तिबन्ध लगाउन सक्ने सुविधा भने प्रयोगकर्तासँग हुन्छ ।

Comments

comments