बूढानिलकण्ठ दुर्घटनामा गल्ती स्वीकार्दै नायिका परमिताले मागिन् माफी ( भिडियो हेर्नुस )




काठमाडौं । नायिका परमिता राणाले आफु सवार कारले मसिंर अन्तिम साता बूढानिलकण्ठमा ठक्कर दिँदा गोरखाका लीला देवकोटाको मृत्यु भएको स्वीकारेकी छिन् । अत्यधिक मदिरा सेवन गरेका २१ वर्षीय पृथ्वी मल्लले चलाएको कार अनियन्त्रित भई दुर्घटना हुँदा सडकपेटीमा हिँडिरहेकी गोरखा घर भइ विष्णुमती बस्ने ४२ वर्षीय लीला देवकोटाको भएको थियो ।

प्रहरीका अनुसार दुर्घटनाको समयमा चार जना कारमा थिए । कारमा सवार ३ जनाको नाम खुलाए पनि प्रहरीले परमिताको नाम गोप्य राखेको थियो । यद्यपि चौथो व्यक्ति भीआईपी कोही रहेको चर्चा सामाजिक सञ्जालमा चलेको थियो । आज परमिता राणाले उक्त कारमा सवार चौथो व्यक्ति आफू रहेको स्वीकार्दै लामो फेसबुक स्टाटसमार्फत् माफी मागेकी छन्। ‘अन्ततः आज मैले आफुसँग रहेको सबै हिम्मत जुटाएर तपाईंहरू सबैलाई १४ डिसेम्बर २०१९ (२८ मंसिर) शनिवार बिहान के भएको थियो भन्ने बताउने निर्णय गरेकी छु’, राणाले स्टाटस यसरी शुरू गरेकी छन्।

उनले शुरूमै आफूहरू चारजनाको मुर्खतापूर्ण निर्णयका कारणा दुर्घटना हुनपुगेकोमा माफी पनि मागेकी छन्। ‘सबैभन्दा पहिला सबैसँग मैले माफी माग्दछु। चारजना मानिसले गरेको एउटा मुर्खतापूर्ण निर्णयले एकजना निर्दोषको ज्यान गयो।  ‘मैले यो एक खराब सपना होस् भनेर कामना पनि गरेँ, तर त्यो कारभित्र एक यात्रु म पनि थिएँ,’ परमिताले लेखेकी छिन्, ‘मैले ढिला भनेकोमा पनि माफी चाहन्छु तर म त्यो दुर्घटनाले दुखी थिएँ ।’

उनले उक्त दुर्भाग्यपूर्ण घटनाले दुःखी भएको बताएकी छिन् । परमिताले उक्त घटनापछि आफू धेरै चोटमा परेको र दुर्भाग्यपूर्ण घटनाले आफू मर्माहत भएको बताएकी छिन् । उनले चार छोरीहरुले मायालु आमा गुमाएको र श्रीमानले सहयोगी श्रीमती गुमाएको घटनाले आफ्नो जीवनमा पूर्ण रुपमा परिवर्तन ल्याएको बताएकी छिन् ।

‘केवल भगवानले जान्नुहुन्छ कि म हरेक बिहान मेरो हृदय र आत्मासँग कसरी उठ्छु र अझै शोक र शोकमा छु,’ उनले भनेकी छिन् ।दुर्घटना भएपछि आफू घर पुगेपछि मात्र महिलाको मृत्यु भएको आफूले थाहा पाएको बताएकी छिन् । उनले आफू दुई वर्षको हुँदा कार दुर्घटनामा बुबालाई गुमाउनु परेको र त्यसयता आफूले अरुलाई कहिल्यै चोट पुर्‍या क्ने पनि बताएकी छिन् ।

दुर्घटनापछि पारिवारिक वकिलले आलोचना गर्नेलाई ब्लक गर्न सुझाव दिएको भन्दै फेशबुकमा टिप्पणी गर्नेहरुलाई ब्लक गरेको लेखेकी छिन् । अहिले आफु मनोरोगी भएको र दुर्घटनालाई भुल्न ठूलो भोलममा गीत बजाएर नाच्ने गरेको परमिताले स्टाटसमा लेखेकी छिन् । त्यति मात्रै हैन दुर्घटनालगत्तै घाइतेको उद्दार गर्नुको सट्टा राणा र थापा गाडीबाट निस्केर भागेका थिए । परमिताले भने दुर्घटनापछि पनि आफू गाडीमै रहेको र साथीहरुले तानेर निकालेको दावी गरेकी छिन् ।

घटनापछि ट्याक्सीमा आफू घर पुगेको उनले उल्लेख गरेकी छन्। आफ्नो लामो स्टाटसको अन्त्यतिर उनले मादकपदार्थ सेवनपछि बिहानै सवारी साधन नचलाउन अनुनयसमेत गरेकी छन्।

Comments

comments