मेस्सी बने सर्वाधिक कमाइ गर्ने खेलाडी, राेनाल्डाे दाेस्राे स्थानमा ! कति छ कमाई ? हेर्नुस




काठमाण्डौ – बार्सिलोना तथा अर्जेन्टिनाका कप्तान लियोनल मेस्सी सर्वाधिक कमाइ गर्ने खेलाडीको पहिलाे स्थानमा परेका छन् । मेस्सी सन् २०१९ मा सर्वाधिक कमाइ गर्ने विश्वका ५० खेलाडीमध्ये शीर्ष स्थानमा परेका हुन् । उनले गएको वर्ष झण्डै १२७ मिलियन युराे कमाइ गरेका छन् ।

यस्तै, पोर्चुगल तथा युभेन्टसका खेलाडी क्रिस्टियानो रोनाल्डो सर्वाधिक कमाइ गर्ने खेलाडीको दोस्रो स्थानमा परेका छन् । उनले २०१९ मा झण्डै १०९ मिलियन युराे कमाएको एक सर्वेक्षणले देखाएकाे छ ।

पीएसजीका स्टार नेयमारले सन् २०१९ मा झण्डै १०५ मिलियन युराे कमाएर तेस्रो स्थानमा रहेका छन् भने म्यानचेस्टर युनाइटेडका पोग्वा ४४ औँ स्थानमा छन् । उनले ३३ मिलियन युराे कमाइ गरेको बताइएको छ । बार्सिलोनाका पूर्व खेलाडी इनिइस्टा सूचीको ४६ औँ स्थानमा रहेका छन् । उनले ३२ मिलियन युराे कमाइ गरेकाे सर्वेक्षणले देखाएकाे छ ।

उदाउँदा राजकुमार अर्थात् प्रिन्स दाहाल, शीर्ष सातको स्वप्नयात्रामा

नेपाली व्याडमिन्टन स्टार प्रिन्स दाहालले विश्व जुनियर वरियताको शीर्ष सात भित्र पर्न सफल भएपछि उत्कृष्ट प्रतिक्रियाहरु पाइरहेको बताएका छन् । न्यूज २४ टेलिभिजनको नियमित प्रस्तुति ‘६ प्रश्न’मा टिभी जर्नलिष्ट बीरेन्द्र जैरुसंग कुराकानी गर्दै उनले भने, ‘विश्वमै पहिलो पटक ब्याडमिन्टनमा शीर्ष सातमा पर्नु एकदमै टफ हो ।

केही समय अघिसम्म म शीर्ष दशमा थिएँ, तर गेम खेल्दै जाँदा शीर्ष सातमा पर्न सफल भएँ । धेरे राम्रो लाग्छ ।’ यो महिनामात्रै पनि प्रिन्सले दुई वटा अन्तर्राष्ट्रिय गेमहरु डच जुनियर इन्टरनेशनल र जर्मन जुनियर सिरिज खेलेका थिए, जुन एकदमै टफ र राम्रो भएको प्रिन्सको भनाइ छ ।

उनले भने, ‘वास्तवमै मैले निरन्तर ट्रेनिङ लिन पाइरहेको थिइन । गेममा जानु पाँच/छ दिन अगाडिबाट ट्रेनिङ सुरु गरेँ । त्यहाँ आफ्नो बेस्ट दिन्छु भनेरै गएको थिएँ । राम्रै भयो । शीर्ष सातमा छिर्छु भनेरै गएको थिएँ ।’ अन्तर्राष्ट्रिय गेमहरुमा जित हाँसिल गर्नका लागि मेन्टल्ली र फिजिकल्ली पूर्ण तयारी गर्नुपर्ने उनको भनाइ छ । उनले फेरि भने, ‘फोकस पनि चाहिन्छ । छ घण्टा/सात घण्टा ट्रेनिङ गर्नुपर्छ ।’

Comments

comments