पारस खडकाकाे अपिल- अत्यावश्यक कामबाहेक घरबाहिर ननिस्काैं ( भिडियो हेर्नुस )




काठमाडौं, ९ चैत । नेपाली क्रिकेट टिमका पूर्व कप्तान पारस खडकाले अत्यावश्यक कामबाहेक घरबाहिर ननिस्कन आग्रह गरेका छन् । आइतबार सामाजिक सञ्चालमा भिडियो सन्देशमार्फत पूर्व कप्तान खड्काले आ-आफ्नो ठाँउबाट सबैले जिम्मेवारी लिन आग्रह गरेका हुन् ।

‘अहिले सहज समय होइन । यो परिस्थितिमा व्यक्तिगत र राष्ट्रिय क्रिकेट टोलीकातर्फबाट सबैलाई आग्रह गर्न चाहन्छु । सबै जना घरमा बसेर, अत्यावश्यक बाहेक घर बाहिर नगइकन, सरकार र सम्बन्धित निकायलाई सहयोग गर्न सबैलाई हार्दिक अनुरोध गर्दछु ,’ उनले भिडियाे सन्देशमा भनेका छन् ।

सबैले आ आफ्नो ठाँउबाट जिम्मेवारी लिने हो भने आगामी दिनमा यो कठिन परिस्थितबाट निस्कन एकदमै सजिलो हुनेछ पनि उनले बताएका छन् । उनले सबै एकताबद्ध भएर कोरोना भाइरसको महामारीविरुद्ध लड्न अपिलसमेत गरेका छन् । ‘हामी सबै मिलेर यो महामारीका विरुद्ध लडौं,’ उनले भने ।

Comments

comments