यो बर्षको आईपिएल नगर्न बीसीसीआईलाई भारत सरकारको आग्रह




काठमाण्डौ : विश्वभर कोरोनाको त्रास फैलिएसँगै भारत सरकारले कोरोनाको संक्रमण थप फैलिन नदिन इन्डियन प्रिमियर लिग (आईपीएल) क्रिकेट प्रतियोगिता नगर्न इन्डियन क्रिकेट कन्ट्रोल बोर्ड (बीसीसीआई) लाई आग्रह गरेको छ ।

प्रतियोगिताको १३ औं संस्करण मार्च २९ बाट सुरु हुने तय भएको बेला भारत सरकारले १५ अप्रिलसम्म कुनै पनि विदेशी खेलाडीलाई भारत प्रस्थान गर्न नपाउने जनाएको थियो । अप्रिल १५ पछि पनि प्रतियोगिता आयोजना गर्दा विदेशी खेलाडीको आगमनले परिस्थिति खतरा बन्नसक्ने भन्दै भारतीय सरकाले यस्तो आग्रह गरेको जनाएको छ ।

आईपीएल रद्द गर्ने नगर्ने विषयमा आईपीएल आयोजकको बैठक भोली बस्नेछ । उक्त बैठकमा भारतिय क्रिकेट प्रमुख र प्रायोजकबीच छलफल हुने जनाइएको छ । आईपीएल विश्वकै चर्चित फ्रेन्चाइज टी–ट्वान्टी प्रतियोगिता मध्येको एक हो ।

Comments

comments