कोरोना संक्रमित युवाले काठमाडौंको होटेलमा पार्टी दिएका थिए




काठमाडौं । युनाइटेड अरब ईमिरेट्स (युएई)बाट नेपाल आएका कोरोना संक्रमित युवाले राजधानीको एक होटलमा बसी साथीहरु बोलाएर पार्टी समेत दिएको खुल्न आएको छ ।

कोरोना पुष्टि भएका धादिङका ती युवा चैत ६ गते नेपाल आएका र १० गतेमात्र अस्पताल पुगेका थिए । उक्त पाँच दिनको अवधिमा उनले धेरैजनासँग भेटघाट गरेको अस्पतालमा जानकारी दिएका छन् ।

उनको टेकु अस्पतालको आइसोलेसनमा उपचार भइरहेको छ । स्वास्थ्य मन्त्री भानुभक्त ढकालले बुधबार नियमित कोरोना बिफ्रिङमा ती युवाका परिवार, उनी बसेको होटल, त्यहाँ रहेका र भेटेका व्यक्तिको खोजी गरी जाँच गरिने बताएका छन् ।

नागरिक खबरबाट साभार

Comments

comments