कोरोना संकटबिच इंग्ल्यान्ड–पाकिस्तान सिरिज हुने दाबी




Loading...

कराँची । इंग्ल्यान्डको भ्रमणमा जाने पाकिस्तानी २९ खेलाडीमध्ये १० जनामा कोरोना भाइरस (कोभिड–१९) पोजेटिभ रिपोर्ट आएको छ । यी खेलाडीमा कोरोनाको लक्षण देखिएको छैन । तथापि, सोही कारण इंग्ल्यान्ड र पाकिस्तानबीचको सिरिजको विषयमा प्रश्न खडा भएको छ । पाकिस्तान क्रिकेट बोर्डका सीईओ बसीम खानले इंग्ल्यान्ड र पाकिस्तानबीचको सिरिज सही बाटोमा रहेको बताएका छन् ।

उनले भने, ‘परीक्षणका क्रममा पोजेटिभ देखिएका कतिपय खेलाडी उत्कृष्ट लयमा रहेको खेलाडी पनि छन् । उनीहरूमा यसको लक्षण देखिएको छैन । यसैबाट यो भाइरसको खतराको विषयमा हामी अनुमान लगाउन सक्छौं । त्यसैले संघीय र प्रान्तिय सरकारले सुरक्षा सावधानीका विषयमा पालन गर्न भनिएको सबै नियम पालना गर्न सबैलाई अनुरोध छ ।’

  1. उनले पोजेटिभ देएिका खेलाडीलाई निगरानीमा राखिने बताए । पुनः परीक्षणपछि रिपोर्ट हेरेर मात्र उनीहरूलाई इंग्ल्यान्डको टिममा सहभागी गराउन सकिने बताइएको छ । यतिबेला ती खेलाडी सेल्फ आइसोलेसनमा रहेका छन् । सीईओले भने, ‘पाकिस्तान टिम २८ जुनमा तय भएको कार्यक्रमअनुसार नै इंग्ल्यान्ड जानेछ ।’ पाकिस्तानको टिमले अगस्टमा इंग्ल्यान्डविरुद्ध तीन म्याच टेस्ट र तीन २०–२० म्याचको सिरिज खेल्नेछ ।

Comments

comments