सीपीएल खेल्न सन्दीप लामिछाने भोलि ट्रिनिडाड जाँदै, पाउनेछन् १ करोड रुपियाँ


क्रिकेट

काठमाडौं, १४ साउन । क्यारेबियन प्रिमियर लिग (सीपीएल) खेल्न लेगस्पिनर सन्दीप लामिछाने भोलि ट्रिनिडाड प्रस्थान गर्ने भएका छन् । उनले त्यसतर्फ जानुअघि कोरोना परीक्षण गराउन हिजो स्वाब दिएका छन् । उनको आज पीसीआर रिपोर्ट आउदैछ ।

उनी सीपीएलकाे यो सिजन खेल्न जमैका तालावाजमा अनुबन्ध भएका छन् । उनलाई तालबाजले एक लाख ३० हजार अमेरिकी डलरमा अनुबन्ध गरेको छ । तालबाजले लगातार तेस्रो सिजनसम्म आफ्नो टिममा समावेश गररेको छ । उनी भोली बिहान १० बजे चार्टर्ड उडानमार्फत मार्फत अमेरिका हुँदै जानेछन् । र उनी आइतबार आइतबार वेष्ट इन्डिज पुग्नेछन् ।

तालवाजले लगातार खेल जितेर फाइनलमा पुगे बीचमै इन्डियन प्रिमियर लिग खेल्न उनी यूएई पुग्नु पर्नेहुन्छ । आईपीएल यूएईमा हुने आयेजकले निश्चित गरिसकेको छ । यद्यपि मिति भने तय भइसकेको छैन । तर लगभग सीपीएलको फाइनल हुनु अगाबै आइपीएल हुने भने पक्का छ ।

Comments

comments