सुशान्तलाई ड्र’ग्स दिएको स्वीकार गरिन्, रिया चक्रवर्ती पक्राउ


मनोरन्जन

मुम्बई । सुशान्त सिंह राजपूतको निधन पछि यो घटना अति पेचिलो बन्दै गएको छ । उनको निधन पछि बलिउडमा ड्र’ग्स’को विषय फेरी उठेको छ । अहिले यो विषयमा एनसीबीले पनि अनुसन्धान सुरु गरेको छ । एनसीबीले सुशान्तकी पूर्वप्रेमिका तथा भारतीय कलाकार रिया चक्रवर्तीलाई पक्राउ गरेको छ । मंगलवार एनसीबीको टोलीले उनलाई पक्राउ गरेको हो ।

भारतीय मिडिया जी न्यूजका अनुसार रियाले सुशान्तलाई ड्र’ग्स दिइएको आरोपमा पक्राउ गरेको हो । यो घटनामा यसअघि प्रहरीले अन्य केहीलाई पक्राउ गरिसकेको छ भने रियालाई पनि सोधपुछ गरेको छ । रियाले प्रहरी समक्ष सुशान्तलाई आफुले औषधी दिएको स्वीकार गरेकी छन् । प्रहरीले यस अघि रियाको घर खान तलासी गरेको थियो ।

गत १४ जुनमा सुशान्त सिंह राजपूत मुम्बईस्थित आफ्नै फ्ल्याटमा निधन भएको अवस्थामा भेटिएका थिए । उनको निधन पछि प्रेमिका रियालाई शंकाको घेरामा राख्दै सीबीआई र एनसीबीको टिमले अनुसन्धान गरिरहेको छ । सुशान्तको निधन पछि कंगना रनावत लगायतका केही कलाकारले घटनाको फरक ढंगले अनुसन्धान गर्नुपर्ने माग राखेका थिए ।