टी–२० वरियतामा अष्ट्रेलिया पुनः नम्बर वन , नेपाल १५औं स्थानमा


क्रिकेट

काठमाडौ । ट्वान्टी ट्वान्टी विश्व वरियतामा अष्ट्रेलिया पुनः शीर्ष स्थानमा फर्किएको छ । तीन खेलको टी–२० सिरिजमा इंग्ल्याण्डलाई २–१ ले पराजित गर्दै अष्ट्रेलिया पुनः शीर्ष स्थानमा फर्किएको हो ।

पहिलो खेलमा २ रनले र दोस्रो खेलमा ६ विकेटले पराजित अष्ट्रेलियाले तेस्रो तथा अन्तिम खेलमा इंग्ल्यान्डलाई ५ विकेटले पराजित गर्दै शीर्ष स्थानमा पुगेको हो ।

दुवै टोलीको समान २ सय ७३ रेटिङ अंक हुँदा तेस्रो खेल जित्ने टोली विश्व वरीयतामा शीर्ष स्थानमा उक्लिने समीकरण बनेको थियो । अन्तिम खेलमा जित निकाल्दै अष्ट्रेलिया पहिलो स्थानमा पुगेको हो ।

२२ खेलमा २ सय ७५ रेटिङ अंकका साथ अस्ट्रेलिया टी २० वरियतामा शीर्ष स्थानमा छ । दोस्रो स्थानमा रहेको इंग्ल्यान्डको समान खेलमा २ सय ७१ रेटिङ अंक छ । नयाँ वरियतामा नेपाल १५औं स्थानमा यथावत् छ।