इंग्लिस बलर चम्किए पछि २ सय ३२ रनको झिनो लक्ष्य पनि अष्ट्रेलियाले भटाउन सकेन


क्रिकेट

काठमाडौं । इङ्ल्यान्डमा जारी तीन खेलको एकदिवसीय सिरिजको दोस्रो खेलमा घरेलु टोली विजयी भएको छ । गएराति भएको खेलमा इङ्ल्यान्डले अस्ट्रेलियामाथि २४ रनले विजयी भएको हो । इङ्ल्यान्डले दिएको २ सय ३२ रनको लक्ष्य पछ्याएको अस्ट्रेलियाले मात्र २ सय ७ रन जोड्न सक्यो ।

अस्ट्रेलियाले ४८ दशमलव ४ ओभरमा सबै विकेट गुमाउँदै मात्र २ सय ७ रन जोडेको हो । अस्ट्रेलियाका लागि कप्तान आरोन फिन्चले सर्वाधिक ७३ रनको योगदान दिए पनि टोलीको जितका लागि प्रयाप्त हुन सकेन । उनले १०५ बलको समना गर्दै ८ चौका र एक चक्काको मद्दतमा ७३ रनको अर्धशतकिय पारी खेलेका हुन् ।

यसअघि टस जितेर पहिले ब्याटिङ गरेको इङ्ल्यान्डले ५० ओभरमा नौं विकेट गुमाउँदै २ सय ३१ रन जोडेको थियो । अस्ट्रेलियाका लागि आदम जम्पाले तीन विकेट लिए । मिचेल स्टार्कले दुई तथा जोस हाज्लेवुड, पाट कुमिन्स र मिचेल मार्सके एक एक विकेट लिए । यससँगै सिरिजमा १(१ को बराबारी भएको । सिरिजको पहिलो खेल अस्ट्रेलियाले १९ रनले जितेको थियो । एजेन्सी