सिन्धुपाल्चोक केन्द्रबिन्दु भएर ६ रिक्टरस्केलको भूकम्प, घरहरु चर्किए


समाचार

काठमाडौं। आज बिहानै भूकम्पको ठूलो झट्का महसुस भएको छ। सिन्धुपाल्चोक केन्द्रबिन्दु भएर ६ रिक्टरस्केलको भूकम्प गएको हो । सिन्धुपाल्चोकको राम्चे आसपास केन्द्रबिन्दु भएर ६ रिक्टर स्केलको भूकम्प गएको राष्ट्रिय भूकम्प मापदन केन्द्रका प्रमुख लोकविजय अधिकारीले बताए । काठमाडौँ उपत्यका लगायत विभिन्न जिल्लामा भूकम्पको धक्का महसुस भएको छ ।

भूकम्पको कडा धक्का महसुस भएपछि मानिसहरु घर बाहिर निस्केका छन् । काठमाडौँ सहित आसपासका जिल्लामा पनि भूकम्पको धक्का महसुस भएको मानिसहरुले सामाजिक सञ्जालमा उल्लेख गरेका छन् । काठमाडौँ उपत्यकाका सबै क्षेत्रमा भूकम्पको धक्का महसुस गरिएको हो। भूकम्पको धक्का महसुस गर्नेबित्तिकै काठमाडौँ उपत्यकाका सबै क्षेत्रबाट स्थानीयहरुले भूकम्पको धक्का महसुस गरेको उल्लेख गर्दै ट्विटहरु गरेका छन्।

भूकम्पले सिन्धुपाल्चोकमा घरहरुमा सामान्य क्षति विवरण आए पनि मानवीय क्षती भए नभएको जानकारी प्राप्त नभएको जिल्ला प्रहरी कार्यालय सिन्धुपाल्चोकले जनाएको छ । भूकम्पले घरहरु चर्किएको जानकारी दिएका छन। भूकम्पको धक्का सिन्धुपाल्चोक र आस पासको क्षेत्रमा महसुस गरिएको थियो ।