आईपिएलको लागि दुलहीझै बनाईयो दुबईको रंगशाला ( हेर्नुस फोटो फिचर )


क्रिकेट

एजेन्सी । इण्डियन प्रिमियर लिग (आइपिएल) २०२० आजदेखि संयुक्त अरब इमिरेट्समा सुरु हुँदैछ । १९ सेप्टेम्बरमा उद्घाटन खेल अबुधाबीमा मुम्बई इण्डियन्स् र चेन्नइ सुपर किंग्सबीच हुनेछ ।

भारतीय क्रिकेट कन्ट्रोल बोर्ड (बिसिसिआइ)का सचिव जय शाहले दुबइ र अबुधाबीका स्टेडियमका तस्बिर सार्वजनिक गरेका छन् । उनले उद्घाटनका लागि सबै तयारी पूरा भएको जनाएका छन् । आइपिएल क्रिकेटको लिग चरणका ५६ प्रतिस्पर्धामध्ये दुबइ इन्टरनेसनल क्रिकेट स्टेडियममा २४ र अबुधाबीको शेख जायद स्टेडियममा २० प्रतिस्पर्धा हुनेछ ।

शारजहा क्रिकेट स्टेडियममा १२ म्याच हुनेछन् । बिसिसिआइ अध्यक्ष सौरभ गांगुलीले शारजहाँ स्टेडियमको अवलोकन गरेका छन् । कोरोना भाइरसको महामारीका कारण रोकिएको यस वर्षको आइपिएल युएइमा गर्न थालिएको छ ।