ठुलो खुसिको खबर ! क्रिकईन्फो भन्छ ‘ पञ्जावविरुद्ध आज सन्दीप पनि दिल्लीको प्लेईङ ईलाभेनमा पर्छन्’


क्रिकेट

एजेन्सी- इन्डियन प्रिमियर लिग क्रिकेट (आईपीएल)मा आज नेपाली स्पिनर सन्दीप लामिछाने आवद्ध टोली दिल्ली क्यापिटल्सले किंग्स इलेभेन पञ्जाबसँग प्रतिस्पर्धा गर्दैछ । दुबई अन्तराष्ट्रिय क्रिकेट मैदानमा हुने खेल नेपाली समय अनुसार पौने ८ बजे सूरु हुनेछ ।

दिल्लीमा रविचन्द्रन आश्विन, अमित मिश्रा र अक्षर पटेल जस्ता अनुभवी स्पिनर भएकाले सन्दीपले आजकै खेलमा स्थान पाउने सम्भावना कम रहेको बताइएको छ । सन्दीप क्यारेबियन प्रिमियर लिग (सीपीएल) सकेर आईपीएल खेल्न दुबई पुगेका हुन् । उनी दिल्लीको प्रशिक्षणमा समेत सहभागी बनेका छन् । सन्दीप प्लेइङ सेटमा बनाउने स्थान र उनको प्रर्दशनमा नेपाली खेल प्रशंसकको खास नजर रहनेछ ।

दिल्लीले म्याच खेल्नुअघि लोकप्रिय अनलाइन इसपीएनक्रिकइन्फोले नेपाली क्रिकेट समर्थकमा केही खुसीको सञ्चार ल्याएको छ । क्रिकइन्फोले लेखेको एक समाचार अनुसार सन्दीपले आज प्लेइङ-११ मा मौका पाउन सक्छन् । समाचारमा उल्लेख गरेअनुसार क्रिकइन्फोले विदेशी खेलाडीको रूपमा सन्दीप, शिमरोन हेटमायर, कागिसो रबाडालाई विशेष स्थान दिएको छ । दिल्लीले चौथो विदेशी खेलाडीको रूपमा एलेक्स क्यारी, मार्कस स्टोइनिस र किमो पलमध्ये एकलाई खेलाउन सकिने उल्लेख गरिएको छ ।

समाचारमा सन्दीपले प्लेइङ-११ मा मौका पाउन सक्ने उल्लेख गरे पनि उनी वेष्ट इण्डिजबाट यूएई ढिला पुगेका छन् । यूएई पुग्न गरेको ढिलाईका कारण सन्दीपले पञ्जाव विरुद्धको खेल गुमाउने चर्चा पनि छ । तर, यथार्थ केहो आइतबार साँझ नै थाहा हुनेछ ।

यो सिजनमा सन्दीपले दिल्लीको धेरै म्याचमा मौका पाउन सक्ने चर्चा छ । भारतीय टिमका पूर्वकप्तान सुनील गावस्करले त सन्दीपको प्रशंसा गर्दै दिल्लीले उनलाई प्लेइङ ११ मा मौका दिन पनि आग्रह गरेका छन् । लामिछानेले हालै सम्पन्न सीपीएलमा राम्रो प्रदर्शन गरेका थिए । उनले राम्रो इकोनमीमा ११ म्याचको १० इनिङ्सका १२ विकेट लिएका थिए । राम्रो लयका साथ यूएई पुगेका सन्दीपले दिल्लीको प्लेइङ-११ मा पर्न पाएको मौका सदुपयोग गर्नुपर्ने हुन्छ । दिल्लीमा उनीसहित अमित मिश्रा र रविचन्द्रन आश्विन जस्ता अनुभवी स्पिनर पनि छन् ।