डिभिलर्सले गरे सन्दिको धुलाई ! बैंगलोरले खडा गर्‍यो १६४ रनको लक्ष्य


क्रिकेट

काठमाडौं। यूएईमा जारी इन्डियन प्रिमियर लिग (आईपीएल)को तेस्रो खेलमा रोयल च्यालेन्जर्स बेङ्ग्लोरले सनराइजर्स हैदराबादलाई जितको लागि १६४ रनको लक्ष्य खडा गरेको छ । टस हारेर पहिला ब्याटिंग गरेको बैंगलोरले २० ओभरमा ५ विकेट गुमाउदै १६३ रन बनाएको थियो ।

बैंगलोरका लागि आफ्नो डेभ्यु खेलमा देभदत्त पडीक्कलले ४२ बलमा ५६ रन बनाएका थिए । आइपिएलमा डेभ्यु गर्दै भारतीय अन्डर १९ बाट आएका खेलाडी देभदत्तले ८ चौका प्रहार गरेका थिए । त्यस्तै एबी डेभिलियर्सले ५१ रन बनाएका थिए । डेभिलीयर्सले ३० बलमा ४ चौका र २ छक्कासहित ५१ रन बनाएका थिए ।

त्यस्तै कप्तान विराट कोहलीले १४ र एरोन फिन्चले २९ रन बनाएका थिए । त्यस्तै शिवम दुबेले अविजित ७ रन बनाएका थिए ।हैदरावादका बलर टि नटराजन, विजय शंकर र अभिषेक शर्माले एक एक विकेट लिएका थिए । हैदरवादका सन्दिप शर्मा आज निकै मंहगो साबित भए ।

प्रतियोगिताको पहिलो खेल नै दुवै टोलीको महत्त्वपूर्ण खेलको रुपमा हेरिएको छ । अघिल्लो संकरणमा दुई टिमबीच दुई भेट भएको थियो । जसमा दुवै टिमले एक–एक जित निकालेका थिए । शनिबारदेखि सुरु भएको लिगको पहिलो खेलमा चेन्नई सुपर किङ्ग्सले मुम्बई इन्डियन्सलाई पराजित गरेको थियो। त्यस्तै हिजो भएको खेलमा दिल्ली क्यापिटल्ससँग किङ्ग्स इलेभेन पञ्जाब सुपर ओभरमा पराजित भएको थियो।

रोयल च्यालेन्जर्स बैंगलोर – विराट कोहली (कप्तान), एबी डी विलियर्स, एरोन फिंच, वॉशिंगटन सुंदर, देवदत्त पडिकल, जेशुआ फिलिप, शिवम दुबे, उमेश यादव, नवदीप सैनी, डेल स्टेन, युजवेंद्र चहल.

सनराइजर्स हैदरावाद : डेविड वार्नर (कप्तान), जॉनी बेयरस्टो, प्रिमय गर्ग, मनीष पांडे, विजय शंकर, अभिषेक शर्मा, मिचेल मार्श, राशिद खान, भुवनेश्वर कुमार, नटराजन, संदीप शर्मा.