किङ स्मिथ चम्किएपछि राजस्थान चेन्नाईलाई दियो २१७ रनको लक्ष्य ! यो जित कस्को ?


क्रिकेट

काठमाडौँ । इण्डियन प्रिमियर लिग (आइपिएल)अन्तर्गत राजस्थान रोयल्सले चेन्नई सुपरकिंग्सलाई २१७ रनको लक्ष्य दिएको छ । टस हारेर पहिला ब्याटिंग गरेको राजस्थानले २० ओभरमा ७ विकेट गुमाउदै २१६ रन बनाएको हो । राजस्थानका लागि सन्जु सामसनले ३२ बलमा ७४ रन बनाएका थिए । सामसनले एक चौका र ९ छक्का प्रहार गर्दै ७४ रन बनाएर आउट भएका थिए ।

त्यस्तै राजस्थानका कप्तान स्टिभ स्मिथले ४७ बलमा ६९ रन बनाए । त्यस्तै जोफ्रा आर्चरले अविजित८ बलमा २७ रन बनाएका थिए भने त्यस्तै टम कुरानले १० रन बनाएका थिए । राजस्थान रोयलको इनिंगमा ब्याट्सम्यानले कुल १७ छक्का प्रहार गरेका थिए । चेन्नईका बलर साम कुरानले ३ विकेट लिए भने दिपक चहर, लुंगी इंगिडीर पियुष चावलाले एक एक विकेट लिएका थिए ।

महेन्द्र सिंह धोनीको कप्तानीमा मैदान उत्रने चेन्नई लगातार दोस्रो जित निकाल्ने दाउमा छ भने स्टिभ स्मिथको कप्तानीमा मैदान उत्रने राजस्थान चेन्नईलाई हराएर सुखद सुरुवात गर्न चाहन्छ । पछिल्लो पाँच भेटमा भने राजस्थानले चेन्नईविरुद्ध एकमात्र जित निकालेको छ । अघिल्लो संस्करणको दुई भेटमा चेन्नईले राजस्थानलाई हराएको थियो ।

यस्ताे छ राजस्थानकाे प्लेइङ ११ : यशस्वी जयसवाल, रबिन उथापा, सन्जु सामसन, स्टेभेन स्मिथ, डेभिड मिलर, रियान पराग, श्रेयस गाेपाल, टम करन, राहुल टेवटिया, जाेफ्रा आर्चर र जयदेव उनादकाट ।

यस्ताे छ चेन्नईकाे प्लेइङ ११ : मुरली विजय, शेन वाट्सन, फाफ डु प्लेसी, रुतुराज गायकवाद, एमएस धाेनी, केदार जाधव, रवीन्द्र जडेजा, सम करन, दीपक चाहर, पीयूष चावला र लुङ्गी एन्गिडी ।