बिदेशी कोटाकै कारण सन्दिपले आईपिएलमा कमाल देखाउन पाएनन्


क्रिकेट

काठमाडौँ । आईपीएलको नियमअनुसार एउटा खेलमा चारजना मात्र विदेशी खेलाडी खेलाउन पाइन्छ। यसकारण पनि सन्दीपलाई टीममा स्थान बनाउन गाह्रो भएको छ। दिल्लीको विजयी यात्रामा अहिले कागिसो रावाडा र मार्कुस स्टोइनिसको भुमिका महत्वपूर्ण रहँदै आएको छ।

दक्षिण अफ्रिकाका तीव्र गतिका बलर रावाडा आईपीएलमा धेरै विकेट लिने खेलाडीको शीर्ष स्थानमा छन्। वायाँ हाते तिब्र गतिका बलर रावाडाले सात खेलमा १७ विकेट लिइसकेका छन्। त्यस्तै अस्ट्रेलियाका अलराउन्डर स्टोइनिसले सात खेलमा १७५ रन बनाइसकेका छन् भने ६ विकेट लिइसकेका छन्। दिल्लीबाट धेरै रन बनाउनेमा उनी पाँचौ स्थानमा छन्।

रावाडा र स्टोइनिससँगै टीममा प्रभावशाली प्रदर्शन गर्नेमा वेष्ट इन्डिजका शिमरन हेटमेयर र दक्षिण अफ्रिकाका एनरिच नोर्ट्जे छन्। नोर्ट्जेले पनि आठ विकेट लिइसकेका छन्। हेटमेयरले ९१ रन बनाइसकेका छन्।

गएराति दिल्लीले दुई खेलाडी परिवर्तन गर्‍यो। रिसब पन्त घाइते भएपछि दिल्लीले अजिन्क्या रहानेलाई टीममा राख्यो। विकेटकिपर आवश्यक परेका कारण एलेक्स क्यारीलाई थपेर हेटमेयरलाई बेन्चमा राख्यो।

सन्दीप पनि विदेशी कोटामा पर्ने भएका कारण उनलाई टीममा राख्दा अर्को विदेशी खेलाडी हटाउनु पर्ने हुन्छ। त्यसकारण पनि सन्दीपले दिल्लीको टीममा पर्न कठिनाइ भइरहेको छ।