भारतिय क्रिकेटर सुनिल गावस्कर भन्छन् : ” दिल्लीले आईपिएल जित्न सन्दिपलाई खेलाउनै पर्छ “


क्रिकेट

काठमाडौँ । इण्डियन प्रिमियर लिग (आईपीएल) यतिबेला युएईमा चलिरहेको छ । आईपिएलमा निकै रोमाञ्चक खेलहरु भएपनि नेपाली दर्शक भने निरास बन्दै गएका छन् । उनिहरु निराश हुनुकध कारण हो, नेपाली स्टार स्पिनर सन्दिप लामिछाने प्लेईङ ईलाभेनमा नपर्नु ।

सन्दिप आबद्ध दिल्लीले प्रतियोगितामा ९ खेल खेलेर ७ जित सहित शिर्ष स्थानमा छ । दिल्लीले ९ खेल खेल्दा सन्दिपले भने अहिलेसम्म आफ्नो बलिङ कौसल देखाउन पाएका छैनन् । सन्दीपले आईपीएलका पछिल्ला दुई संस्करणमा दिल्ली ९ खेल खेल्दै १३ विकेट लिएका छन्। २०१८ मा तीन खेलमा पाँच विकेट लिएका सन्दीपले २०१९ मा ६ खेलमा आठ विकेट लिएका थिए। उनले अहिलेसम्म २१० बलमा २९२ रन दिएका छन्।

सन्दीपको इकोनोमी ८.३४ को छ। यसरी अघिल्लो शिजनमा राम्रो प्रदशनले पनि सन्दिपलाई प्लेईङ ईलाभेनमा पार्न सकेन । यसैबिच सन् १९८३ को विश्वकप विजेता भारतीय टिमका ओपनर गावस्करले एक अन्तर्वार्ताका क्रममा विश्वभरकै फ्रेन्चाइज क्रिकेट लिग खेलिसकेका युवा लेगस्पिनर सन्दीपलाई खेलाउनु फाइदा हुने भन्दै उनले सन्दीपलाई टिममा राख्न सुझाव दिएका हुन् ।

दिल्लीसँग रविचन्द्रन आश्विन, अक्षर पट्टेल जस्ता स्तरीय र अनुभवी स्पिनर भएपनि सन्दीपलाई टिम राख्दा उपयोगी हुने गावस्करले बताएका छन् । ‘उमेरका हिसाबमा सन्दीप युवा नै छन्, तर उनीसँग विभिन्न खाले पिचमा टि–२० क्रिकेट खेलेको अनुभव छ,’ गावस्करले भनेका छन्, ‘अझ उनीसँग युएईको पिचका बारेमा राम्रो ज्ञान छ । उनी युएईको पिचमा थुप्रै खेल खेलिसकेका छन्, त्यसैले उनलाई खेलाउनु उपयुक्त हुन्छ ।’

गावस्करले दिल्लीले तीन स्पिनरका रुपमा रविचन्द्र आविश्वन, अक्षर पटेल र सन्दीपलाई खेलाउन सुझाव दिएका छन् । गावस्करले युएईको पिचमा मिश्राभन्दा सन्दपी उपयुक्त खेलाडी भएको पनि बताएका छन् । उनले युएईमा मिश्राभन्दा सन्दीप नै अनुभवी भएको पनि बताए । सन्दीपले निरन्तार फ्रेन्चाइज प्रतियोगिताहरुमा पनि उत्कृष्ट प्रदर्शन गरिरहेकाले उनलाई खेलाउँदा दिल्लीलाई राम्रो हुने बताएका छन् । सन्दीपल भर्खरै सम्पन्न सिपिएलमा पनि उत्कृष्ट प्रदर्शन गर्दै १२ विकेट लिएका थिए ।

सन्दीप लागातार तेस्रो सिजन दिल्ली आईएिल खेल्दै छन् । अघिल्ला दुई सिजन कमैमात्र अवसर पाउँदा पनि सन्दीपले उत्कृष्ट प्रदर्शन गरेका थिए । डेब्यू सिजन सन्दीले ३ खेलमा ५ विकेट लिएका थिए भने अघिल्लो सिजन ६ खेलमा ८ विकेट लिएका थिए । सन्दीप लामिछाने सिपिएल खेलेर उतैबाट आईपिएल खेल्ने युएईका गएका हुन् ।