अचम्मै भो ! हैदरावादले दियो मात्र ३ रनको लक्ष्य, कोलकत्ताले ४ बलमै जित्यो


क्रिकेट

काठमाण्डाै – इण्डियन प्रिमियर लिग (आईपीएल) क्रिकेटमा आइतबार भएकाे पहिलाे खेलमा काेलकाता नाइट राइडर्सले सनराइजर्स हैदराबादलाई हराएकाे छ । ​काेलकाताले हैदराबादलाई सुपर ओभरमा हराएकाे हाे । सुपर ओभरमा हैदराबादले दिएकाे तीन रनकाे लक्ष्य काेलकाताले चाैथाे बलमा पूरा गर्‍याे ।

रोमान्चक सुपर ओभरमा हैदरावादले लुकी फर्गुसनको ३ बलमा दुवै विकेट गुमाउदै २ रनमात्र बनाएपछि कोलकोताले जितका लागि ३ रनको लक्ष्य पाएको थियो । कोलकोताले सो लक्ष्य ४ बलमा नै पुरा गरेको थियो ।

यसअघि टस हारेर ब्याटिङकाे निम्ताे पाएकाे काेलकाताले २० ओभरमा​ पाँच विकेट गुमाउँदै एक सय ६३ रन बनाएकाे थियाे । उसका लागि कप्तान इयन मर्गनले ३४, दिनेक कार्तिकले अविजित २९ र नितिश रानाले २९ रन बनाए । त्यस्तै हैदरावादका बलर टी नटराजनले २ विकेट लिए भने बसिल थम्पी, विजय शंकर र राशिद खानले एक एक विकेट लिए ।

जवाफी ब्याटिङ गरेको हैदरावादले पनि ६ विकेटको क्षतिमा १६३ रननै जोडेको थियो। स्कोर बराबरी भएपछि भएको सुपर ओभरमा कोलकता विजयी भयो। याे जितसँगै १० अङ्कका साथ काेलकाता तालिकाकाे चाैथाे स्थानमा उक्लिएकाे छ भने हैदराबाद ६ अङ्कसहित पाँचाैँ स्थानमा छ ।