सन्दिप दिल्लीको प्लेईङ ईलाभेनमा पर्ने सम्भावना सकियो, दिल्लीले भित्र्यायो सन्दिप जस्तै अर्का भारतिय लेग स्पिन


क्रिकेट

काठमाडौं । नेपाली लेगस्पिनर सन्दीप लामिछानेको आईपीएलको शीर्ष स्थानमा रहेका दिल्ली क्यापिटल्समा जर्सीमा मैदान देखिने सम्भावना कम हुँदै गएको छ। लिगमा ९ खेल खेलिसक्दा दिल्लीले ७ जित सहित शिर्ष स्थान कब्जा गरेको छ । तर दिल्ली ९ खेल खेलिसक्दा पनि अहिलेसम्म नेपाली स्टार स्पिनर सन्दिप लामिछानेले भने एउटा पनि खेल खेल्न पाएका छन् ।

दिल्लीले अर्का लेगस्पिनर अमित मिश्रको ठाउँमा कर्नाटकका २७ वर्षीय खेलाडी प्रविन दुबेलाई अनुबन्ध गरेपछि सन्दीपको यो सिजनमा मैदान देखिने चाहना झन् पर धकेलिएको छ । अब सन्दिपले एक खेल पनि नखेली नेपाल फर्कने संम्भावना ह्वात्तै बढेको छ । दिल्लीले सोमबार ट्विट गर्दै अमित मिश्रको ठाउँमा भारतको क्षेत्रीय क्रिक्रेट खेलेका दुबेलाई अनुबन्ध गरेको आधिकारिक जानकारी दिएको हो। २७ वर्षिय लेगस्पिनर प्रविन दुवेले भारतीय घरेलु क्रिकेटमा राम्रो प्रर्दशन गर्दै आएका छन् ।

कर्नाटकाबाट घरेलु क्रिकेट खेल्ने प्रविनले १४ टि२० मा १६ विकेट लिएका छन् । जसमा उत्कृष्ट प्रर्दशन १९/४ रहेको छ । इकोनमी ६.८७ छ । रोयल च्यालेन्जर्स बेंगलोरले प्रविनलाई नेट बलरको रुपमा जारी सिजनमा राखेको छ । सन् २०१६ र २०१७ मा बेंगलोरमा रहेका थिए ।

सन् २०१९ को मुश्ताक अली ट्रफीमा प्रविन ले ६ खेलमा ८ विकेट लिएका थिए । जसक्रममा कर्नाटकले उपाधि जितेको थियो । समग्रमा प्रविन दिल्लीका चौथो स्पिनर हुन् । दिल्लीमा प्रविन बाहेक नेपाली लेग स्पिनर सन्दीप लामिछाने, रविचन्द्रन आश्विन र अक्षर पटेल रहेका छन् । सन्दीप र प्रविन लेग तथा आश्विन र पटेल अफ स्पिनर हुन् ।