दिल्ली गर्‍यो तिन परिवर्तन तर पनि सन्दिपले मौका पाएनन् , यस्तो छ दिल्लीको प्लेईङ ईलाभेन


क्रिकेट

काठमाडौं। इन्डियन प्रिमियर लिग (आईपीएल)मा दिल्ली क्यापिटल्सका कप्तान श्रेयस ऐयरले किङ्ग्स इलेभेन पञ्जाबविरुद्ध टस जितेर ब्याटिङ रोजेका छन्। केही समय अगाडि चोटका कारण मैदान बाहिर रहेका दिल्लीका रिषभ पन्त पनि टोलीमा फर्किएका छन्। पन्त फर्किदा विकेटकिपर एलेक्स केरी बेन्चमा बसेका छन् ।

केरी बेन्चमा बस्दा आक्रामक ब्याट्सम्यान शिम्रन हेटमायर पनि टोलीमा फर्किका छन् । अजिंक्या रहाणे बेन्चमा बसेका छन् । दिल्लीले तीव्र गतिका बलर एनरिच नोर्कियालाई आजको खेलमा बिश्राम दिएको छ । नोर्कियालाई बिश्राम दिँदा अष्ट्रेलियाका तीव्र गतिका बलर ड्यानियल सामलाई डेब्यू गराएको छ ।

अघिल्लो खेलमा मुम्बई इन्डियन्सलाई सुपर ओभरमा हराएर दिल्लीलाई शीर्षस्थानमा सहज बनाएको पन्जाब प्लेअफ पुग्ने आशामा छ। तर उसलाई सजिलो छैन। ९ खेलपछि ६ अंक जोडेको पन्जाब तालिकाको सातौँ स्थानमा छ। चौथो स्थानमा रहेको कोलकाता नाइट राइडर्सको ९ खेलबाट १० अंक छ। शीर्षस्थानमा रहेको दिल्लीको १४ अंक छ। ९ खेलपछि मुम्बई र रोयल च्यालेन्जर्स बैंगलोरको १२/१२ अंक छ।

१४ खेलपछि शीर्ष चार स्थानमा रहने टोली प्ले अफमा पुग्नेछन्। क्रिस गेलले खेल्न थालेयता पन्जाबले दुवै खेल जितेको छ। यता दिल्लीले हालसम्म मुम्बई र हैदराबादसँग मात्र हार ब्यहोरेको छ। यस्तो छ दिल्लीको प्लेईङ ईलाभेन