बलरको धुलाई गर्दै धवनले ठोके अर्को शतक, दिल्लीले पंञ्जाबलाई दियो १६५ रनको लक्ष्य


क्रिकेट

काठमाडौँ । इण्डियन प्रिमियर लिग (आइपिएल) अन्तर्गत दिल्ली क्यापिटल्सले किंग्स इलेभेन पञ्जाबलाई १६५ रनको लक्ष्य दिएको छ । टस जितेर पहिला ब्याटिंग गर्दै दिल्लीले २० ओभरमा ५ विकेट गुमाउदै १६४ रन बनाएको हो ।

दिल्लीका लागि शिखर धवनले शतकीय पारि खेलेका थिए । धवनले ५७ बलमा १२ चौका र ३ छक्का प्रहार गर्दै आफ्नो शतक पुरा गरेका थिए । धवनले अविजित १०६ रन बनाएका थिए । धवनको आइपिएलमा यो लगातार दोस्रो शतक हो । उनले अघिल्लो खेलमा चेन्नई सुपरकिंग्सविरुद्ध अविजित १०१ रन बनाएका थिए ।

त्यस्तै कप्तान श्रेयस अय्यर र रिषव पन्तले १४-१४ रन बनाए भने पृथ्वी शाले ७ रन बनाएका थिए । त्यस्तै मार्कोस स्टोइनिस ९ रन बनाएर आउट भए भने शिमरन हेटमेयरले १० रन बनाए । पञ्जाबका बलर मोहमद सामीले २ विकेट लिए भने ग्लेन म्याक्सवेल, जेम्स नीशाम र मुर्गन आश्विनले एक एक विकेट लिएका थिए । १३ औँ शृङ्खलाको प्रतियोगितामा निकै बलियो देखिएको दिल्ली १४ अङ्कसहित तालिकाको शीर्ष स्थानमा छ । नौ खेल खेलेको दिल्ली सात खेलमा विजयी भएको छ ।

यता नौ खेल खेलेको पञ्जाबको ६ अङ्क छ । उसले तीन खेलमा जित तथा ६ खेलमा हार व्यहोरेको छ । प्लेअफको सम्भावना कायम राख्न पञ्जाब यो खेल जित्नैपर्ने दबाबमा छ । यो खेलमा पनि नेपालका लेग स्पिनर सन्दीप लामिछानेले मौका पाएनन् । यो संस्करणमा सन्दीपले एक खेल पनि खेल्न पाएका छैनन् ।

यस्तो छ दिल्लीको प्लेइङ ११ : पृथ्वी श, शिखर धवन, श्रेयस गोपाल, रिषभ पन्त, सिमरन हेटमाइर, ड्यानएल साम्स, मार्कस स्टोइनिस, अक्षर पटेल, रविचन्द्रन अश्विन, कागिसो रबाडा र तुषार देशपाण्डे ।

यस्तो छ पञ्जाबको प्लेइङ ११ : केएल राहुल, मयङ्क अग्रवाल, क्रिस गेल, निकोलस पूरन, ग्लेन म्याक्सवेल, दीपक हूडा, जेम्स नीशाम, मुरुगन अश्विन, मोहम्मद शामी, रवि बिश्नोई र अर्शदीप सिंह ।