बधाई ! आईपिएलमा धवनले बनाए गजबको रेकर्ड, टिमले हारेपनि पाए ‘म्यान अफ द म्याच’


क्रिकेट

काठमाडौं । इण्डियन प्रिमियर लिग आईपीएल क्रिकेटमा किङ्स इलाभेन पञ्जाबले शीर्ष स्थानमा रहेको दिल्ली क्यापिटल्सलाई ५ विकेटले हहराएको छ । दुुबईमा भएको खेलमा पञ्जाबले नेपाली लेग स्पिनर सन्दीप लामिछाने आबद्ध टिम दिल्लीलाई हराएको हो ।

दिल्लीले दिएको १ सय ६५ रनको लक्ष्य पञ्जाबले १९ ओभरमा मात्र ५ विकेट गुमाएर पुरा गरेको थियो । टस जितेर पहिले ब्याटिङ गरेको दिल्लीले २० ओभरमा ५ विकेट गुमाएर १ सय ६४ रन बनाएको थियो ।

शिखर धवनको लगातार दोस्रो शतक

दिल्लीका लागि शिखर धवनले शतकीय पारि खेलेका थिए । धवनले ५७ बलमा १२ चौका र ३ छक्का प्रहार गर्दै आफ्नो शतक पुरा गरेका थिए । धवनले अविजित १०६ रन बनाएका थिए । धवनको आइपिएलमा यो लगातार दोस्रो शतक हो । धवनले आईपीएल इतिहासमा लगातार दुई शतक बनाउने खेलाडीको कीर्तिमान समेत बनाए । धवनले यसै खेलबाट आईपीएलमा ५ हजार रन समेत पुरा गरेका छन् ।

धवनले चेन्नाई सुपरकिंग्सविरुद्ध पनि नटआउट १०१ रन बनाएर दिल्लीलाई जिताएका थिए । त्यस्तै उनी जारी आईपीएलमा सबैभन्दा धेरै रन बनाउने क्रिकेटरको दोस्रो नम्बरमा आइपुगेका छन् । उनले हालसम्म ४६५ रन बनाइसकेका छन् । पन्जाबका कप्तान केएल राहुल ५४० रनसहित पहिलो नम्बरमा छन् । हारका बाबजुद खेलको प्लेयर अफ द म्याच शतक बनाउदै नयाँ कीर्तिमान कायम गरेका शिखर धवनले प्राप्त गरेका छन्।