भारतिय मिडियाले भन्यो : हैदरावादबिरुद्ध पनि सन्दिपले पानी मात्र बोक्न पाउछन्


क्रिकेट

काठमाडौं, १० कात्तिक : यूएईमा जारी १३ औँ सिजनको आईपीएलमा दिल्ली क्यापिटल्सले भोलि (मंगलबार) आफ्नो १२ औँ म्याच खेल्दै छ । उसले १२ औँ सनराइजर्स हैदराबादविरुद्ध खेल्न लागेको हो । यी दुई टिमबीचको खेल साँझ ७ः४५ बजेदेखि दुबईमा सुरु हुनेछ । जारी सिजनमा दिल्लीले ११ म्याचमध्ये ७ खेलमा जित हासिल गरेको छ । हैदराबादले ११ खेलमध्ये ४ म्याच मात्र जित्न सकेको छ ।

दिल्ली र हैदराबादको म्याच हुनुअघि दुबै टिमको प्लेइङ-११ को चर्चा सुरु भएको छ । लोकप्रिय क्रिकेट अनलाइन इएसपीएन क्रिकइन्फोले दुबै टिमको सम्भावित प्लेइङ-११ को चर्चा गरेको छ । उसले दिल्लीको प्लेइङ-११ मा २ खेलाडी परिवर्तन गरेको छ ।

क्रिकइन्फाले हैदराबादविरुद्ध आजिक्य रहाणे र तुषार देशपाण्डेले विश्राम पाउन सक्ने औँल्याएको छ । रहणे र पाण्डेले अघिल्लो खेलमा चित्तबुझ्दो प्रदर्शन गर्न सकेका थिएनन् ।

क्रिकइन्फाले अनुमान गरेको दिल्लीको प्लेइङ-११ : शिखर धवन, पृथ्वी शा, श्रेयस अय्यर (कप्तान) ऋषभ पन्त, शिमरोन हेटमायर, मार्कस स्टोइनिस, हर्षल पटेल, अक्क्षर पटेल, रविचन्द्रन अश्विन, कागिसो रबाडा र एनरिक नोर्टजे ।

किंग्स-११ पंजाबद्वारा कोलकत्ता ८ विकेटले पराजित

इन्डियन प्रिमियर लिग आईपीएल अन्तर्गत सोमबार भएको खेलमा किंग्स ११ पंजाबले कोलकता नाइट राइडर्सलाई ८ विकेट पराजित गरेको छ । शारजाह क्रिकेट स्टेडियममा भएको खेलमा टस हारेर ब्याटिङमा उत्रिएको कोलकताले निर्धारित २० ओभरमा ९ विकेट गुमाउँदै १ सय ४९ रन बनाएको थियो ।

१ सय ५० रनको लक्ष्य लिएर जवाफी ब्याटिङमा उत्रिएको पञ्जावले १८ दशमलव ५ ओभरमा २ विकेट गुमाउँदै लक्ष्य पुरा गर्यो । मन्दीप सिंहले सर्वाधिक ६६ रन बनाउँदा क्रिस गेलले आक्रामक ब्याटिङ गर्दै २९ बलमा ५१ रन जोडे । त्यस्तै केएल राहुलको २८ रन महत्वपूर्ण रह्यो ।

कोलकताका लागि वरुण चक्रवर्ती र लोकी फ्रेगुइसनले समान १/१ विकेट लिए । यसअघि कोलकताका लागि शुभमन गिलले सर्वाधिक ५७ रन र कप्तान इयोन मोर्गनले ४० रन जोड्दै टीमको स्कोर १ सय ४९ पुगेको थियो ।

त्यस्तै लोकिइ फ्रेगुइन २४ रनमा अभिजित रहँदा अन्य ब्याट्सम्यानले दोहोरो अंकको रनसमेत जोड्न सकेनन् । पंजाबका लागि मोहम्मद शमीले ३ विकेट, रवि बिस्नोइ र क्रिस जोर्डनले २÷२ विकेट लिए । जितसँगै पंजाव १२ अंक जोड्दै अंकतालिकाको चौथो स्थानमा उक्लिएको छ ।