सन्दिप बेन्चमै सिमित हुदा राशिद खान चमत्कार देखाउँदै, पर्पल क्याप नै जित्ने संम्भावना


क्रिकेट

काठमाडौं, १२ कात्तिक : सनराइजर्स हैदराबादबाट आईपीएल खेलिरहेका राशिद खान सर्वाधिक विकेट (पर्पल क्याप)लिने सूचीको तेस्रो स्थानमा उक्लिएका छन् । गएराति सम्पन्न खेलमा दिल्लीविरुद्ध तीन विकेट लिएसँगै राशिद तेस्रो स्थानमा उक्लिएका हुन् ।

उनले १२ खेलमा ५.०० को इकोनमीमा १७ विकेट लिएका छन् । जारी सिजनमा राशिदको उत्कृष्ट बलिङ ४ ओभरमा ७ रन दिएर ३ विकेट लिनु हो । ‘पर्पल क्याप’का दौडमा दिल्ली क्यापिटल्सका कागिसो रबाडा शीर्ष स्थानमा छन् । उनले १२ खेलमा ८.१३ को इकोनमीमा २३ विकेट लिएका छन् । गएराति हैदराबादसँगको म्याचमा भने रबाडा विकेटकविन रहे ।

उनलाई पछ्याइरहेका किंग्स इलावेन पञ्जाबका बलर मोहम्मद शामीले १२ म्याचमा ८.४६ को इकोनमीमा २० विकेट लिएका छन् । यो सूचीको चौथो स्थानमा जोफ्रा आर्चर छन् । उनले १२ खेलमा १७ विकेट हात पारेका छन् ।

त्यस्तै, पाँचौ स्थानमा मुम्बई इण्डियन्सका जसप्रीत बुमराह छन् । उनले १२ खेलमा ७.५२ को इकोनमीमा १७ विकेट लिएका छन् । बुमराह इकोनमीका हिसाबाले पाँचौमा रहेका हुन् । जारी सिजनको १२ म्याचसम्म जोफ्राको बलिङ इकोनमी ६.७१ छ ।

आईपीएलको १३ औँ सिजन यूएईमा भइरहेको छ । भारतमा कोरोना संक्रमण तीव्र गतिमा फैलिरहेकाले यो पटकको आईपीएल यूएईमा आयोजना गरिएको हो ।

आईपिएलमा आज सबैभन्दा मजबुत टिम मुम्बई र बेङ्लोरको भिडन्त , कसले मार्ला बाजी ?

यूएईमा जारी १३ औँ सिजनको आईपीएलमा आज मुम्बई इण्डियन्स र रोयल च्यालेन्जर्स बैंग्लोर (आरसीबी) खेल्दै छन् । यी दुई टिमबीचको खेल साँझ ७ः४५ बजेदेखि अबुधाबीमा सुरु हुनेछ ।

जारी सिजनमा दुबै टिम राम्रो लयमा देखिएका छन् । दुबै टिमले ११ म्याचमा समान ७ मा जित र चार खेलमा हारको सामना गरेका छन् । आजको खेल जित्ने टिम ‘प्लेअफ’मा स्थान पक्का गर्नेछ ।

मुम्बईका नियमित कप्तान रोहित शर्मा चोटका कारण विश्राम गरिरहेका छन् । उनी आजको खेलमा पनि उपलब्ध हुन नसक्ने बताइएको छ । टिमका महत्वपूर्ण सदस्यको अनुपस्थितिमा आरसीबीले फाइदा लिन सक्छ ।

रोहित आराम गरिरहेकाले पछिल्ला २ म्याचमा मुम्बईको कप्तानी किरण पोलार्डले गरेका थिए । यदि आज पनि रोहित उपलब्ध नभएमा मुम्बईको नेतृत्व पोलार्डले नै गर्ने छन् ।

मुम्बईको सम्भावित प्लेइङ-११ : क्विन्टन डिकक, इशान किशन, सूर्यकुमार यादव, सौरभ तिवारी, हार्दिक पांड्या, किरण पोलार्ड (कप्तान), क्रुणाल पांड्या, राहुल चाहर, ट्रेन्ट बोल्ट, जसप्रीत बुमराह र जेम्स प्याटिन्सन ।

बैंग्लोरको सम्भावित प्लेइङ-११ : देवदत्त पाडिक्कल, आरोन फिन्च, विराट कोहली (कप्तान), एबी डिविलियर्स, मोइन अली, गुरकीरत सिंह, वाशिङटन सुंदर, क्रिस मोरिस, नवदीप सैनी, युजवेन्द्र चहल र मोहम्मद सिराज ।