सन्दिपलाई नखेलाएको भन्दै श्रेषय एैयरमाथि खनिए आकाश चोपडा, भन्छन् : ‘दिल्लीको प्लेईङ ईलाभेन सहि छैन’


क्रिकेट

काठमाडौं : भारतीय पूर्वक्रिकेटर तथा वर्तमान क्रिकेट कमेन्टेटर आकाश चोपड़ाले दिल्ली क्यापिटलका कप्तान श्रेयस अय्यरको कप्तानीमाथि प्रश्न उठाएका छन् । दिल्ली क्यापिटलले अन्तिम केही खेलमा राम्रो प्रदर्शन गर्न सकेको छैन । लगातार तिन खेल हारेपछि चोपडाले पछिल्ला खेलमा अय्यरको कप्तानी सही नभएको बताएका छन् । आकाशले कप्तान अय्यरप्रति असन्तुष्टि जनाउँदै भने, ‘उनले लगातार ३ खेलमा एउटै गल्ती दोहोर्‍याए ।

म श्रेयस अय्यरको कप्तानी प्रति असन्तुष्ट छु । अयुयरले केकेआरविरुद्ध अक्क्षर पटेललाई एक ओभर मात्र बलिङ गर्न दिनु गल्ती थियो । उनले अक्क्षरलाई बढी ओभर बलिङ गर्ने अवसर दिनुपथ्र्यो ।’ चोपडाले अगाडि थपे, ‘अनि अय्यरले अर्को गल्ती तुषार देशपाण्डेलाई पूरा ओभर बलिङ गर्नु दिनु पनि हो । पाण्डे पछिल्ला ३ खेलमा लयमा देखिएका छैनन् । उनले केकेआरविरुद्ध पनि ४ ओभरमा ४० रन दिए । सही समयमा सही बलरको प्रयोग गर्न नसक्नु कप्तान अय्यरको गल्ती हो ।’

श्रेयस एैयरको टिम छनोटमा पनि आकाश सन्तुष्ट छैनन् । ‘ श्रेषसले पछिल्ला खेलको प्लेईङ ईलाभेन पनि सहि छैन, दिल्लीको बेन्चमा राम्रा खेलाडीहरु छन् , दिल्लीको प्लेईङ ईलाभेन अझै राम्रो हुन सक्छ । चोपडाले भने । आकाशको यो भनाई नेपाली स्पिनर सन्दिप लामिछानेलाई नखेलाएको प्रति संकेत रहेको बुझ्न सकिन्छ । चोपडा लगातार दिल्लीले सन्दिपलाई खेलाउनु पर्ने धारणा राख्दै आएका छन् ।

चेन्नाईद्धारा कोलकाता पराजित

साविक विजेता मुम्बई इन्डियन्स युएईमा जारी इन्डियन प्रिमियर लिग (आईपीएल) ट्वेन्टी–ट्वेन्टी क्रिकेटको प्ले–अफमा प्रवेश गरेको छ ।युएईको दुबईमा गएराति भएको खेलमा चेन्नई सुपर किङ्सले कोलकाता नाइट राइडर्सलाई पराजित गरेपछि मुम्बई प्ले अफमा पुगेको हो ।

दुबई अन्तराष्ट्रिय क्रिकेट रंगशालामा कोलकाताले दिएको १ सय ७३ रनको लक्ष्य चेन्नईले २० ओभरमा ४ विकेट गुमाएर पुरा गर्‍यो । तालिकाको पुछारमा रहेको चेन्नईले कोलकातालाई हराएपछि शीर्ष स्थानको मुम्बई प्ले अफ पुग्ने पहिलो टिम बनेको हो ।

मुम्बईले १२ खेलमा १६ अंक जोडेको छ । अब बाँकी रहेका २ खेल गुमाए पनि मुम्बई शीर्ष चारभित्रै रहनेछ । मुमबईपछि अब तिन टिम प्लेअफमा पुग्नेछन् । यसका लागि ६ टोलीचिब प्रतिस्पर्धा जारी छ । तालिकाको दोस्रो स्थानको रोयल च्यालेन्जर्स बैंगलोर र तेस्रो स्थानको दिल्ली क्यापिटल्सले १२ खेलमा १४ अंक जोडेका छन् ।

यस्तै चौंथो स्थानको किङ्स इलाभेन पन्जाब र पाँचौ स्थानको कोलकाताको समान १२–१२ अंक छ । सनराइजर्स हैदराबाद र राजस्थान रोयल्सको पनि प्ले अफ पुग्ने गणितिय सम्भावना जिवित छ । चेन्नई भने प्रतियोगिताबाट बाहिरिसकेको छ । आईपिएल क्रिकेटको १३ औं संस्करणसम्म आईपुग्दा चेन्नाई प्ले अफ्मा पुग्न नसकेको यो पहिलो पटक हो ।