ईन्जिनियरको जागिर छोडेर क्रिकेट खेल्न थालेका बरुण भारतिय टिममा छनोट, धोनीलाई दुई पटक बोल्ड गरे


क्रिकेट

काठमाडौं, १४ कात्तिक : यूएईमा जारी १३ औँ सिजनको आईपीएलमा कोलकाता नाइट राइडर्स (केकेआर)का मिस्ट्री स्पिनर वरुण चक्रवर्ती शानदार लयमा छन् । शानदार लयमै देखिएका कारण चक्रवर्ती पहिलो पटक भारतीय टी-२० टिममा पनि पर्न सफल भएका छन् । उनी अष्ट्रेलियासँगको टी-२० सिरिजका लागि पहिलो पटक भारतीय टिममा अटाएका हुन् ।

उनले हरेक म्याचमा प्रभावित गरिरहेका छन् । विश्व क्रिकेटमा शानदार फिनिशरको परिचय बनेका महेन्द्रसिंह धोनीलाई दुई पटक ‘क्लिन बोल्ड’ गरेपछि चक्रवर्तीको चर्चा झन् चुलिएको छ । समूह चरणको दुबै खेलमा उनले सीएसकेका कप्तान धोनीलाई ‘बोल्ड आउट’ गर्न सफल भए । अघिल्लो खेलमा ‘बोल्ड’ गरेपछि धोनीले उनलाई सीएसकेको जर्सी दिएका थिए ।

चक्रवर्तीले जारी सिजनमै दिल्ली क्यापिटल्सविरुद्ध ४ ओभरमा २० रन दिएर ५ विकेट लिएका थिए । जुन उनको आईपीएल करियरकै उच्च प्रदर्शन हो । जारी संस्करणमा चक्रवर्ती एकै इनिङ्समा पाँच विकेट लिने एक मात्र बलर हुन् । आईपीएल २०२० मा उनले १२ खेलमा १५ विकेट लिइसकेका छन् । चक्रवर्ती सर्वाधिक विकेट लिने सूचीको आठौँ स्थानमा छन् ।

२९ वर्षीय वरुणले गत सिजनमा किंग्स इलावेन पञ्जाबबाट आईपीएल खेलेका थिए । तर, मौका पाएको खेलमा उत्कृष्ट प्रदर्शन नगरेपछि पञ्जाबले उनलाई ‘रिलिज’ गरेको थियो । यो सिजनमा भने उनी उत्कृष्ट लयमा देखिएका छन् ।

को हुन् बरुण चक्रवर्ती ?

२०१९ मा सम्पन्न आइपिएल अक्सनमा बरुण चक्रवर्तीलाई किंग्स इलेभेन पंजावले ८ करोड ४० लाखमा किनेको थियो । न्युनतम मुल्य २० लाख रहेका बरुणलाई किंग्स इलेभेनले यति धेरै पैसामा किनेपछि उनको चर्चा एका एक चुलिएको थियो । बरुण २०१९ को आइपिएल अक्सनमा सबै भन्दा महँगो खेलाडी बन्न पुगेका थिए । उनलाई २०२० मा कोलकोता नाइट राइडर्स

ले किनेको थियो ।

बरुण तमिलनाडूका क्रिकेटर हुन् । उनको बारेमा भनिन्छ कि उनी १३ बर्षदेखि क्रिकेट खेल्न सुरु गरे र १७ बर्षको उमेरमा उनी विकेटकिपर ब्याट्सम्यानको रुपमा क्रिकेट खेले । तर उमेर समुहमा टिममा पर्न छोडेपछि बरुणले क्रिकेट छोडेर आफ्नो ध्यान पढाईमा लगाए । उनले एसआरएम विश्वविधालय चेन्नईबाट आर्किटेक्ट इञ्जिनियरिङ्गको पढाई गरे । ५ बर्षको पढाई पछि बरुणले २ बर्षजति एक इञ्जिनियरिङ्ग कम्पनिमा काम गरे । तर उनको क्रिकेट प्रतिको मोहले उनलाई छोडेको थिएन ।

बरुणले अलराउन्डरको रुपमा चेन्नईको क्रिकेट क्लबमा खेल्न सुरु गरेपनि इन्जुरीले फेरी खेलबाट टाढा भए । तर इन्जुरीबाट बाहिर आएपछि उनी चेन्नईमा चौथो डिभिजनको क्रिकेट कल्ब जुब्ली क्रिकेट क्लबमा आवद्ध भए । स्पिनरको रुपमा आवद्ध भएका बरुणले २०१७-१८ सिजनमा खेलेका ७ खेलमा ७१ विकेट लिएर सबैलाई चकित पारेका थिए उनले बलिङ्गमा सात प्रकारको फरक फरक बलिङ्ग गर्न सक्ने बताइन्छ । बरुणले अफब्रेक,लेगब्रेक, गुगली, कारम बल, फ्लिपर, टप स्पिनर र योर्कर बलिङ्ग गर्न सक्ने बताइन्छ ।