रोनाल्डो हैन मेसी विश्वकै सर्वाधिक कमाउने खेलाडी, शीर्ष १० मा को-को ?


खेलकुद

काठमाडौं । बार्सिलोनाका फरवार्ड लिओनल मेसी विश्वकै सर्वाधिक कमाइ गर्ने खेलाडी बनेका छन् । फोर्ब्सले सार्वजनिक गरेको २०२० को सर्वाधिक कमाइ गर्ने खेलाडीहरुको सूचीमा मेसी शीर्ष स्थानमा रहेका हुन् ।

फोर्ब्सका अनुसार मेसीको वार्षिक कमाइ १२६ मिलियन अमेरिकी डलर रहेको छ । मेसीले युभेन्ट्सका फरवार्ड क्रिस्टियानो रोनाल्डोभन्दा ९ मिलियन बढी कमाउछन् । मेसीले पारिश्रमिकबाट ९२ मिलियन डलर र एन्डोरसमेन्टबाट ३४ मिलियन डलर कमाइ गरेका छन् ।

यस्तै रोनाल्डोले पारिश्रमिकबाट ७० मिलियन डलर र एनडोरसमेन्टबाट ४७ मिलियनसहित कूल ११७ मिलयन डलर कमाइ गरेका छन् । यस्तै फ्रेन्च क्लब पेरिस सेन्ट जर्मेनबाट खेल्ने फरवार्डद्वय नेमार र किलिएन एमबाप्पे क्रमश: तेस्रो र चौथो स्थानमा छन् । नेमारको वार्षिक कमाइ ९६ मिलयन डलर र एमबाप्पेको ४२ मिलयन डलर रहेको छ ।

यस्तै प्रिमियर लिग क्लब लिभरपुलका मोहमम्द सालाह पाँचौ र म्यानचेष्टर युनाइटेडका पउल पोग्वा छैटौं स्थानमा छन् । बार्सिलोनाका एन्टोनी ग्रीजमन सातौं, रियल मड्रिडका गारेथ बेल आठौं, बायर्न म्युनिखका रोवर्ट लेवान्डोस्की नवौं र म्यानचेष्टर युनाइटेडका डेविड डे हेअ दशौँ स्थानमा छन् ।

यी हुन् सर्वाधिक कमाइ गर्ने १० खेलाडी

लियोनल मेसी- १२६ मिलियन अमेरिकी डलर
क्रिस्टियानो रोनाल्डो- ११७ मिलियन डलर
नेमार- ९६ मिलियन डलर
किलिएन एमबाप्पे- ४२ मिलियन डलर
मोहम्मद सालाह- ३७ मिलियन अमेरिकी डलर
पउल पोग्बा- ३४ मिलियन अमेरिकी डलर
एन्टोनी ग्रीजमन- ३३ मिलियन अमेरिकी डलर
गारेथ बेल- २९ मिलियन अमेरिकी डलर
रोवर्ट लेवान्डोस्की- २८ मिलियन अमेरिकी डलर
डेविड डे हेअ- २७ मिलियन अमेरिकी डलर

आईपीएल क्रिकेटमा पञ्जाब र राजस्थान खेल्दै

इण्डियन प्रिमियर लिग (आईपीएल) क्रिकेटमा अहिले किङ्ग्स एलाभेन पञ्जाब र राजस्थान राेयल्स खेलिरहेका छन् । ​आबुधाबीकाे शेख जयेद स्टेडियममा भइरहेकाे खेलमा टस जितेकाे राजस्थानले पहिले बलिङ गरिरहेकाे छ ।

याे खेलले प्लेअफ समीकरणमा प्रभाव पार्ने भएकाेले दुवै टिमका लागि आजकाे खेल महत्तवपूर्ण छ । लगातार पाँच खेल जितेकाे पञ्जाब जितकाे लयलाई कायम राख्दै प्लेअफतर्फ अघि बढ्न चाहन्छ भने राजस्थान रायल्स आफ्नाे सम्भावना बनाइराख्न चाहन्छ ।प्रतियाेगितामा दुवै टिमले समान १२/१२ खेल खेल्दा पञ्जाबकाे १२ अङ्क छ भने राजस्थानकाे १० अङ्क छ ।

यस्ताे छ पञ्जाबकाे प्लेइङ ११ : केएल राहुल, क्रिस गेल, मन्दीप सिंह, निकोलस पूरन, ग्लेन म्याक्सवेल, दीपक हूडा, मुरुगन अश्विन, क्रिस जोर्डन, मोहम्मद शामी, रवि बिश्नोई र अर्शदीप सिंह ।

यस्ताे छ राजस्थानकाे प्लेइङ ११ : बेन स्टोक्स, रोबिन उथापा, सन्जु सामसन, स्टेभेन स्मिथ, जोस बटलर, रियान पराग, राहुल तेबतिया, जोफ्रा आर्चर, श्रेयस गोपाल, वरुण अरुण र कार्तिक त्यागी ।