बंगलादेश पुगेका एक नेपाली फुटबल खेलाडीलाई कोरोना


खेलकुद

काठमाडौं – मैत्रीपूर्ण खेल खेल्न बङ्गलादेश पुगेका नेपाली राष्ट्रिय फुटबल टोलीका एक खेलाडीलाई कोरोनाभाइरसको संक्रमण देखिएको छ ।

वङ्गलादेशको राजधानी ढाकामा बुधबार गरिएको कोरोना परिक्षणमा एक खेलाडीमा कोरामेना संक्रमण देखिएको अखिल नेपाल फुटबल महासङ्घले जनाएको छ ।

त्यस्तै कोरोना परिक्षणको क्रममा अन्य खोलाडीहरुको रिपोर्ट भने नेगेटिभ आएको छ । कोरोना संक्रमित भएका ती खेलाडीलाई आइसोलेसनमा राखिएको एन्फाले जनाएको छ ।

नेपालले शुक्रबार बङ्गलादेशसित पहिलो मैत्रीपूर्ण खेल खेल्नेछ भन अर्को खेल मङ्सिर २ गते खेल्नेछ । फिफा विश्वकप छनोटको दोस्रो चरण खेलिरहेको नेपालले त्यसको तयारीका लागि बङ्गलादेशसित मैत्रीपूर्ण खेल खेल्न लागेको हो ।