मैत्रीपूर्ण फूटबल खेलमा आज नेपाल र बंगलादेशबीचको भिड्दै, कस्ले जित्ला खेल ?


खेलकुद

काठमाडौं । नेपालले आज बंगलादेशसँग अन्तराष्ट्रिय मैत्रीपूर्ण फुटबल खेल्दैछ । खेल बंगलादेशको राजधानी ढाकास्थित बंगबन्धु रंगशालामा हुनेछ । अन्तर्राष्ट्रिय मैत्रिपूर्ण फुटबल श्रृंखला अन्तर्गतको नेपाल र बंगलादेशको पहिलो खेल नेपाली समय अनुसार अपरान्ह पौने ५ बजे सुरु हुनेछ ।

लामो समयपछि अन्तर्राष्ट्रिय खेलका लागि मैदानमा उत्रन पाउँदा नेपाल र बंगलादेश दुवैै टोली खुसी हुनेछन् । नेपाली टोलीका प्रशिक्षक बालगोपाल महर्जनले फुटबल फर्किएकोमा खुसी रहेको बताउँदै बंगलादेशविरुद्ध जितका लागि खेल्न आफ्ना खेलाडी आतुर रहेको बताए ।

ढाकामा हिजो भएको पत्रकार सम्मेलनमा बोल्दै महर्जनले पछिल्लो समय बंगलादेशविरुद्ध नेपालले राम्रो फुटबल खेलिरहेको र सकारात्मक नतिजा आएका कारण आफ्नो टिम सोहि नतिजा दोहो¥याउन तयार रहेका प्रष्ट पारे ।

नेपाली टोली : अजित भण्डारी,अन्जन विष्ट, अरिक विष्ट, भरत खवास, विकास खवास, विक्रम लामा, विमल राना ,विशाल श्रेष्ठ, दर्शन गुरुङ, दीप कार्की, दिलेन लोक्तान, जर्जप्रिन्स कार्की, किरण चेमजोङ, नवयुग श्रेष्ठ, पुजन उपरकोटी, रञ्जित धिमाल, रवी पासवान, सरोज दाहाल, सेसेहाङ आङदेम्बे, सुवास गुरुङ, सुजल श्रेष्ठ, सुमन अर्याल, तेज तामाङ र छिरिङ गुरुङ

अफिसियलहरू

बालगोपाल महर्जन – प्रमुख प्रशिक्षक किरण श्रेष्ठ – सहायक प्रशिक्षक विकास मल्ल – गोलकिपर प्रशिक्षक कृष्णभक्त मानन्धर – व्यवस्थापक विवेक सुवेदी – फोटोग्राफर डा प्रविन श्रेष्ठ – टिम डाक्टर अविस्कार पुडाशैनी – फिजियोथेरापिस्ट रोशन पुडाशैनी – सहायक फिजियो मुक्तिबाबु रेग्मी – पत्रकार