नेपाललाई बिश्वकपमा पुर्याउने पुबुदुले भने : ‘म पुन: नेपाली क्रिकेट टिमको कोच बन्न चाहन्छु’


क्रिकेट

काठमाडौं । नेपाली क्रिकेट टिमका पुर्व कोच पुबुदु दासनायकेले पुन: नेपाली टिमको कोच हुने ईच्छा देखाएका छन् । नेपाल क्रिकेट संघ(क्यान)ले प्रमुख प्रशिक्षक पदका लागि १४ जना उम्मेदवारको अन्तर्वार्ता टुंग्याएको छ । जसमा एक जना पुबुदु समेत रहेका छन् । तर कोचको रुपमा पुबुदुको पुनरागमन एकदमै मुस्किल देखिन्छ । अहिलेका क्यान पदाधिकारीसँग पुबुदुको सम्बन्ध खासै राम्रो नभएको स्रोत बताउछ ।

अन्तर्राष्ट्रिय क्रिकेट संघ(आईसीसी)ले प्रमुख प्रशिक्षक पदका लागि छोट्याएको सूची प्राप्त हुनासाथ क्यानले अन्तर्वार्ता सञ्चालन गरेको थियो । शनिबार प्रमुख प्रशिक्षकका उम्मेदवारहरुको अनलाइनबाटै अन्तवार्ता लिइएको छ । क्यानका महासचिब अशोकनाथ प्याकुरेलले आईसीसीबाट प्राप्त सूचीका १४ जनाको अन्तर्वार्ता सकिएको जानकारी दिनुभयो । नेपाल क्रिकेट संघले प्रमुख प्रशिक्षकका साथै पदपूर्तिका अन्य सदस्यहरुका लागि चार सदस्यीय समिति गठन गरेको छ । क्यान स्रोतका अनुसार अन्तवार्ता सञ्चालन गरिएकोमा तीन तीन जना पाकिस्तान र भारतका, एक जना श्रीलङ्काका, न्युजिल्याण्ड, दक्षिण अफ्रिका, इंग्ल्याण्ड र अष्ट्रेलियाका छन् । भारतबाट मुकुन्द प्रमाणी र चेतन शर्मा हुनुहुन्छ ।

भारतीय क्रिकेट टोलिका सदस्य समेत रहिसक्नुभएका शर्मा क्रिकेट विश्लेषक हुनुहुन्छ । दक्षिण अफ्रिकाका लान्स क्लुजनरले समेत नेपालको प्रमुख प्रशिक्षक पदका लागि आवेदन दिनुभएको छ । क्लुजनर दक्षिण अफ्रिकी क्रिकेट टोलिका पूर्व अलराउण्डर हुनुहुन्छ । अध्यक्ष चतुरबहादुर चन्द, महासचिव प्याकुरेल, कोषाध्यक्ष रोशन सिंह र दीपेन्द्र चौधरी उक्त समितिमा हुनुहुन्छ । तीन जना क्यानका पदाधिकारी र अर्का एकजना पूर्ब खेलाडीबाट पदपूर्ति समितिमा राखिएको महासचिब प्याकुरेलले जानकारी दिनुभयो । चौधरी राष्ट्रिय टोलिका पूर्व खेलाडी हुनुहुन्छ ।

अन्य क्रिकेट खबरहरु

इङ्लिश टिमले पाकिस्तानलाई दियो ठुलो झड्का, अब के हुन्छ ?

दिल्लीले अर्को शिजनको आईपिएलमा पनि सन्दिपलाई खरिद गर्ने संकेत दियो

सन्दिपलाई एक खेल पनि नखेलाउन दिल्लीले अन्ततः भन्यो : ‘धन्यवाद सन्दिप’

किङ स्मिथले दिए भारतिय बलरहरुलाई चेतावनी, भन्छन् : ‘ कमजोर भारतिय बलरहरु देखि कोहि डराउदैनन् ‘

लकडाउनकै कारण डेलिभरी ब्वई बने यी फास्ट बलर, भावुक हुदै यस्तो भने …

आईपिएलमा फ्लप भएपछि धोनीले सुरु गरे कुखुरा पालन

सन्दिप लामिछानेले आफ्ना दिदिहरुसँग यसरी लगाए भाईटिका ( हेर्नुस फोटोहरु )

क्यानको प्रमुख प्रशिक्षक पद करीब एक वर्षदेखि रिक्त छ । गत् माघ महिनामा उमेश पटवालले प्रमुख प्रशिक्षक पदबाट राजिनामा गरेपछि उक्त पद रिक्त रहँदै आएको छ । गत् असोजमा नेपाल क्रिकेट संघले प्रमुख प्रशिक्षक, महाप्रबन्धकसहितका पदका लागि विज्ञापन गरेको थियो । प्रमुख प्रशिक्षक पदका लागि करीब ७२ वटा आवेदन परेको थियो । क्यानले प्रमुख प्रशिक्षकका लागि परेको आवेदनको संक्षिप्त सूची बनाउन आईसीसीलाई पठाएको थियो ।

आईसीसीले गत् साता १४ जनाको संक्षिप्त सूची पठाएको महासचिब प्याकुरेलले बताउनुभयो । संक्षिप्त सूचीमा परेका उम्मेदवारहरुको अनलाइनबाटै अन्तवार्ता गरिएको महासचिब प्याकुरेलले बताउनुभयो । उहाँले भन्नुभयो, “संक्षिप्त सूचीमा परेका सबैजना खेलाडी र क्रिकेट संस्कृतिमै हुर्केकाहरु ह्ुन्, कोही काउन्टी क्रिकेटबाट आएका छन्, कोही आ आफ्ना राष्ट्रमा ए लेभलका टोलिका छन् ।”

आईसीसीले केही दिनभित्रै १४ जनाको सूचीलाई अझै छोट्याएर तीन जनामा संक्षेपीकरण गरेर क्यानलाई पठाउनेछ । क्यानले उक्त तीन जनाको पुन अन्तवार्ता गरेर पठाएको नामलाई आईसीसीले अनुमोदन गर्नेछ । संक्षिप्त सूचीमा पाकिस्तान, भारत, बेलायत र अष्ट्रेलिया लगायतका राष्ट्र«का छन् । प्रमुख प्रशिक्षक पदका लागि क्यानले पदपूर्ति विज्ञापन गर्दा सीए लेभलको योग्यता हुनुपर्ने, तीन वर्ष व्यवसायिक प्रशिक्षणको अनुभव भएको मापदण्ड तोकेको छ ।

जस अन्तर्गतर्आईसीसीको पूर्ण सदस्य, पहिलो श्रेणीको टोली, एशोसिएट सदस्य, राष्ट्रिय टोलि वा अन्तर्राष्ट्रिय लिगको अनुभव लिएको हुनुपर्नेछ । ६० वर्ष उमेर हद तोकिएको प्रशिक्षकका उम्मेदवारले एशोसिएट राष्ट्रको एकदिवसीय चक्रबारे जानकार हुनुपर्ने र क्रिकेट संस्कृतिको ज्ञान हुनुपर्ने मापदण्ड तोकिएको छ । आईसीसीबाट आउने नामलाई क्यानको बैठकले नियुक्तिका लागि राष्ट्रिय खेलकुद परिषद् समक्ष सिफारिश गर्नेछ । क्रिकेट प्रशिक्षकलाई एक वर्षको लागि अनुबन्धन गरिनेछ ।

क्यानले क्रिकेट नेपालमा रिक्त रहेका अन्य पदहरुको समेत विज्ञापन गरेको थियो । वित्त अधिकारीका लागि ३५ जना र क्रिकेट प्रबन्धकका लागि पाँचजनाले आवेदन दिएका छन् । सात प्रदेशका सात जना स्थानीय प्रशिक्षकका लागि २१ जनाले आवेदन दिएको नेपाल क्रिकेट संघले जनाएको छ । महासचिब प्याकुरेलले भन्नुभयो, “ प्रमुख प्रशिक्षकको टुंगो लागिसकेपछि क्यानले आन्तरिक रुपमा गर्नुपर्ने महाप्रबन्धक, वित्त अधिकारी, क्रिकेट प्रबन्धक र स्थानीय प्रशिक्षकको टुंगो लगाउनेछ ।” यो खबर आजको गोरखापत्रमा छ ।